شاهد.. رواد الفيس بوك للمختطفين: "يا ولاد المحظوظة"

فور الإعلان عن اختطاف الطائرة المصرية المتجهه من الإسكندرية إلى القاهرة، صباح اليوم، الثلاثاء، تداول عدد كبير من رواد موقع التواصل الاجتماعي الأشهر "فيس بوك" العديد من التعليقات الساخرة تعليقاً عن حادث الاختطاف، والأسباب الواهية التي أعلن عنها خاطف الطائرة إنها وراء قيامه باختطافها، بعدما أعلن إنه كان يريد أن يرسل رسالة لطليقته، إضافة إلى بعض التعليقات التي تحمل روح الفكاهة نظراً لحسن حظ المختطفين على حد وصفهم فبدلاً من العودة للقاهرة سافروا إلى قبرص.
شاهد أبرز التعليقات والصور..
- أكيد يأس بعد ما فشل يبعتلها إيميل عشان النت بطيء!، أنا بحمل شركات الإنترنت في مصر المسئولية كاملة!.
- احجز معانا رحلة للغردقة وممكن تتخطف وتروح قبرص ب 180 ج بس، ومين عارف يمكن الزهر يلعب وتروح فرنسا أو إيطاليا.
- ماحدش بيخطف طيارات.. أوي إلا لما بيتجرح أوي.
- يوم ما هتخطف هروح الصومال .. عارف نفسي .. نحس.
- عاجل: مليونيات من المصريين تجتاح مطارات مصر مطالبة بالخطف الى قبرص مرددين " اشمعنا هما يا باشا احنا ‫#ملناش_نفس_نتخطف ولا إيه.
الرومانسيه المصرية حطمت الأرقام القياسية.
- محدش بيموت ناقص خطف.
- خاطف الطيارة: لو ده هيثبتلك إني.. طليقته: إنك ايه ؟!خاطف الطيارة: بحببببك.
- رسالة إلى ركاب الطيارة المصرية المختطفة: "يا ولاد المحظوظة".
- أنا مش عايز أشتغل ولا عايز أتجوز .. أومال عاوز ايه؟ .. عاوز أسافر ل القاهرة من مطار برج العرب.. اشمعنا ؟!.. بيودي على قُبرص.
- تصريحات من مصدر رفيع المستوى يطمئن المصريين بإن الاختطاف بأسبقية الحجز.
- كان فين عقلي لما عملت كده .. أنا ندمان .. لو كنت أعرف دا اللي هيحصل مكنتش عملت كده.. دا واحد بائس بيعاتب نفسه عشان ‫كنسل الحجز بتاعه على طيارة القاهرة.
‫- عاوزين نتخطف.. أحنا ملناش نفس وألا ايه!.
- قالك كان عاوز يوصل رساله لحبيبته!، ادي أخرة الإنترنت السيء في مصر.
- لما يقبضو عليه هيودوه افريكانو بارك.