بالفيديو.. مرتضى منصور ل"حازم إمام": عملت لأبوك عزا ب 300 ألف جنيه

تراجع المستشار مرتضى منصور رئيس نادي الزمالك، عن هجومه على الكابتن حازم إمام رئيس الجهاز الفني للفريق المقال، بعد صمته تجاه مداخلة أحمد حسام ميدو المدير الفني السابق للفريق والتي هاجم رئيس النادي فيها.
وقال رئيس الزمالك خلال مقطع فيديو بثه على موقع "يوتيوب": "أنا نصحتك متبقاش رئيس جهاز، وأنك تكون مساعد مدرب وتتعلم، أنت اللي صممت علشان صاحبك".
وأضاف "بتقول أن عزا أبوك اتعمل في النادي علشان هو كان عضو في النادي والجهاز، بص يا حازم قدام مصر كلها أنا كنت عايز أستقيل بعد ماتش الأهلي، وفي أول جمعية عمومية أنزل قدامي لو أنت راجل، أنا مكنتش هنزل بس هنزلك ولو مطلعش الفرق بيني وبينك 25 ألف صوت هقولك أنت كسبان".
وتابع "أنتوا فشلتوا يا عزبة ودمرتوا الزمالك وكسبتوا الماتشات اللي فاتت بالأونطة والمجهود الفردي، مفيش خطة، أنا عملت عزا لأبوك مكلف 300 ألف جنيه".
وبعد تداول الفيديو، تم حذف التصريحات التي هاجم فيها رئيس النادي، حازم إمام، خصوصًا بعد الهجوم الكبير على الأول، من قبل جماهير نادي الزمالك دفاعًا عن نجمهم المحبوب.
الفيديو..