هو ده كان نظام يا حسني بيه

مرت مصر بالكثير من المعاناة خلال النظام البائد, وعاشت فترة كتمان وحرمان, ولكنها خلقت للامان, تأبى الذل والهوان, فولد فيها يوم اسمه الخامس والعشرون من يناير ليرفع كل مصرى رأسه ويطيح بالفساد ويذل كل من خان اليمين والأمانة ويعز كل من صبر ويعلو مكانه, فأهدي لكم هذه الكلمات التي أطمح أن تعبر عن معاناة الكثير من شعب مصر العظيم أيام الرئيس المخلوع وقصيدتي بتقول:
من دلوقتى هعيش فى راحة، وهعيش حياتى بالراحة
بعد نجاح الثورة أنا هرفع راسى ومش هقبل أمشى ابص لمداسى
مانا ياما طاطيت وطاطيت وياما بغلبى جيت عالبيت
وياماسكت وياما رضيت وياما كتمت ف انفاسى
منفعش الكتمان وعشت حزين وغلبان وفقرى وجعان
وكنت لازم اقوم واتكلم
صحيح انا عشت جاهل بس بعد الثوره صبحت متعلم
انا كنت فى حالى وعايش متبهدل ليه
هوده كان نظام ياحسنى بيه
هو ده اليمين اللى حلفت واقسمت بالله عليه
هوده كان نظام ياحسنى بيه
لما تقلب مصر غابه ويبقى حاميها حراميها
والغلابه ينداسوا فيها
ووحوشك يسرقوها ويسرقوها
ويجيبوا عليها واطيها ويتعزازوا ويعيشوا ملوك فيها
هوده كان نظام ياحسنى بيه
لما رئيس الوزراء كل مايطلع فى التلفزيون
ميتكلمش غير عالديون وهو وبينهش بالمليون
واللى هيجنن اهلى وناسى
ان صفوت الشريف معاك دايما لاعب اساسى
ولامفيش حد على دكة البدلاء ولاكنا لامتى هنقاسى
كنت سكران ولا مجنون ولا كبرت وشخت وكنت مش دارى
ولا تكونش بعت لسرور مجلس الشعب
وسجلتهولو فى الشهر العقارى
هوده كان نظام ياحسنى بيه
لما رضيت لعز يتملك الحديد
وموعتش جرانة ان عذاب ربك شديد
ومعرفتش مغربى ان صوت الشعب قريب مش بعيد
طب دول يمكن معكش تلفوناتهم
طب وحبيبة القلب سوزان مشكرتهاش على الاعلان
كان عندى ليه تعديل
القراءة للجميع والنصب للبيع
يلا يا عم متشلش الهم
عملتهولها وزن وقافيه
لحسن دى كانت عامله عبيطة وطلعت هى الاخرى حويطة
طب مفضتش تربى العيااال
فضحت نفسك والبلد بجمال
وعلاء جرسك فى جمع المال
هوده كان نظام ياحسنى بيه
لما رضيت لوزراء حراميه ونصابين
ينهشوا فى جسد الغلبانين
ولما المساكين يفيض بيهم ويقولوا كلمة حق تسميهم بلطجيه
وحبيب يطلع عليهم المساجين
نهاية كلامى بعد ثورة احلامى ده رب العزة قال
ادخلوا مصر ان شاء الله امنين
يبقى اللى زيك ملهوش مكانة
فى بلد الامن والامانة
وهوده كان نظام ياحسنى بيه
كلمات:جمال التلاوى
اسيوط - مركز القوصيه - بنى قره(التل)
------------------------------------------------------------------------
التعليقات
هانى عنتر محمد
الإثنين, 23 يناير 2012 - 02:32 am
روعه يا جمال
نشيد المدرسة الجديد . . . . . الشرطة العسكرية .. حلوة بس شقية نطت حتة نطة .. ركبت بيها السلطة الثورة زعلانة .. هى اللى غلطانة سابت الداخلية .. لشوية بلطجية اخص عليكى يا شرطة *************************
نورهان سعيد
الإثنين, 23 يناير 2012 - 02:47 am
جميله بس مش اجمل منك
الله الله الله يا تلاوى انا عوزاك تقولهم (عيان) علشان بجد انت موهوب وربنا ومرسى للموقع الجميل دوت
جهاد رامى
الإثنين, 23 يناير 2012 - 03:28 am
ناااايس
حلوة جدا بس قاسى على سوزان ولو انها تستاهل وياريت الموقع يعرفنا بالشاعر اكتر بليييييييييز حابين نقرألو كمان
قلبى خد على كتر الجراح لان زمن الحب الجميل راح
الإثنين, 23 يناير 2012 - 01:59 pm
جااااااااااااااااااامده
جاااااااااااااااااااااااامده جداااااااااا ليك مستقبل هااااايل
احمد ماهر
الإثنين, 23 يناير 2012 - 02:03 pm
بجد حلوه
حلوه جدااااااااااااا
ايهاب بوب
الإثنين, 23 يناير 2012 - 11:48 pm
جمدة جدى
فول كمان وكمان ياجماليافنان
soly
الأحد, 05 فبراير 2012 - 04:33 pm
7lwa awe
حلوه جدا والله بجد ما شاء الله احلي ما فيها انها عاميه و طالعه من القلب