زوجة الصحفي "ودنان": زوجي يتم تعذيبه بسبب إضرابه عن الطعام

أعربت "هاله عبدالعال" زوجة الصحفي المعتقل "معتز ودنان" الذي يتعرض للتعذيب لردعه عن إضرابه عن الطعام الذي بدأه قبل أشهر كي يُسمح لذويه بزيارته.
وكتبت "عبدالعال" عبر صفحتها على موقع التواصل الاجتماعي "فيس بوك"أن ودنان قام بالإضراب عن الطعام علشان يشوف بنته اللي لمحته مرة من ساعة ما كان سنها 5 شهور وبعدين في الجلسه إلي بعد العيد حكى للمحامي على اللي حصل معاه من ورا الزجاج ".

واضافت "يوم4/21 طلبوا منه أنه يفك الإضراب ومعتز رفض لأن احنا لم نزوره غير مره واحده في سنه وخمسه شهور.. فلما رفض اخدوه من زنزانته بعد تغميه عينيه وضربوه وكهربوه ونقلوه زنزانة تانيه مفيهاش ميه والا كهربا والحمام مسدود وبطانية واحده ومش معاه لبس غير الغيار الداخلي إلي هو لابسه وكانوا بيدخلوا ميه في كيس زباله وهو كيس واحد في اليوم".
وفيما يلي نص ما كتبته ودنان:
كان بقالنا أكتر من60يوم منعرفش حاجه خالص عن معتز غير أنه عامل إضراب عن الطعام علشان يشوف بنته اللي لمحته مرة من ساعة ما كان سنها 5 شهور
وبعدين في الجلسه إلي بعد العيد حكى للمحامي على اللي حصل معاه من ورا الزجاج وهو كالآتي..
يوم4/21 طلبوا منه أنه يفك الإضراب
ومعتز رفض لأن احنا لم نزوره غير مره واحده في سنه وخمسه شهور.. فلما رفض اخدوه من زنزانته بعد تغميه عينيه..
وضربوا وكهربوه ونقلوه زنزانة تانيه مفيهاش ميه والا كهربا والحمام مسدود وبطانية واحده ومش معاه لبس غير الغيار الداخلي إلي هو لابسه وكانوا بيدخلوا ميه في كيس زباله وهو كيس واحد في اليوم
استمر معتز وثبت على موقفه وكمل إضراب شامل لمده12يوم تانية..
لحد ما وصل لحاله جفاف شديده لدرجه ان لسانه من كتر الخشونه ممكن يجرح والكلي تعبت جدا دخلت في تعب مميت وتم إجباره علي تعليق محلول وشرب المياه مقابل علاج مسكن للكلي اللي كانوا مانعينه منه
في الجلسة اللي المحامي حكالنا فيها التفاصيل دي معتز كان تم شهر بدون استحمام ونظافة شخصية بجانب التعب اللي عنده نتيجة للإضراب والتعذيب والتأديب طبعا دي بيئة تموت وتسبب المرض
معتز بيموت جوه واحنا منعرفش عنه حاجه
ممنوعين من الزياره رغم حصولنا علي حكم محكمه بتمكينا من الزياره
وحتي دخولنا قاعه المحكمه بقالنا تقريبا7شهور ونص مش بندخل القاعة
وفي الآخر جه قاضي في عربيته الجيب ودخل مكتبه المكيف وتعب نفسه من بيته لحد المحكمة علشان يدي معتز 45 يوم تاني جوة القرف ده من غير ما ينظر القضية ولا معتز يتعرض عليه
وده بعد ما القاضي اللي قبله بأسبوع رفض يسمع حتى معتز عاوز يقول ايه وآجله للقاضي اللي بعده