صفحات التواصل تشتعل بعد تصريحات السيسي: افتح الميادين وستعرف حقيقتك عند الشعب

تهكم الصحفيون والكتاب ورواد مواقع التواصل الاجتماعى من كلمة عبد الفتاح السيسى خلال احتفال وزارة الأوقاف بالمولد النبوي الشريف، التى قال فيها : “لو عايزينى أمشى هامشى، من غير ماتنزلوا، بشرط أن تكونوا كلكوا عايزين كدا، مش تيجى مجموعة توجه نفس الدعوات فى مناسبة الأعياد التى نحتفل بها، أنا طائع فى ترك السلطة، لان السلطة بإرادة الله”.
وقال الدكتور سيف الدين عبد الفتاح استاذ العلوم السياسية عبر صفحته على تويتر معلقا على ما قاله السيسي” من أتى بالدبابة والدماء هو الذي يحدثنا عن إرداة الشعوب !!”
فيما علقت صفحة شباب 6 ابريل على الفيس بوك تتهكم بقولها ” السيسى: لو الشعب عاوزنى امشى هامشى..بس الشعب كله ..الشعب كله ماعدا 3أشخاص: ارحل.”
وتابعت تقول “السيسى:لا انتو مش الشعب كله فاضل 3 مواطنين عاوزنى وبالتالى مش هامشى..#ارحل”
فيما قالت صفحة حزب الدستور على الفيس بوك ” #25يناير 2011 قامت لأن #مافيش_حاكم_بيتحاكم ولايزال الوضع كما هو و يتوقعوا نهاية مختلفة !!!”
علق الكاتب الصحفي سليم عزوز على هذه الكلمة مستغربا من أن السيسي لا يري أن البلد خربت حتى الآن قائلا: يقولون إن السيسي قال لو الشعب كله عايزني امشي.. انا حمشي من غير ما ينزلوا..نزل سلاحك وافتح الميادين واسحب دباباتك وستعرف إذا كان الشعب عايزك تمشي ولا عايزك تقعد.. أصلها الدبابات عمرها ما حمت حاكم للأبد
واضاف عزوز يقول: السيسي يتعامل على ان النزول يوم 25 يناير سيخرب البلد.. وهي البلد لسه مخربتش؟.. وهو فيه خراب ممكن يحل بها اكثر من تنازلك عن حصة البلد التاريخية من نهر النيل؟
وتابع “بلاش يا اخي تعالي على نفسك ولكي لا يخرب المتظاهرون البلد امشي من سكات، هو أنت كاتب على البلد في الكنيسة الكاثوليكية بروما؟! جواز نصاري ده ولا ايه؟!”
وقال الكاتب سيد أمين :”السيسي بيقول ان الشعب لو طلب منه انه يمشي حيمشي .. خلاص اعطنا يومين اثنين للتظاهرات بدون غاز وخرطوش ورصاص وبلطجية وزوار فجر وامن دولة واختطاف واخفاء ودبابات وطيارات ومطاردات وافتح الميادين وخلى كلاب الاعلام يتوقفوا عن التحريض على قتل المتظاهرين وكمان رجال الدين بتوعك يتوقفوا عن التحريض وخلط السياسة بالدين ..وانت حتعرف رأى الشعب بمنتهى الوضوح.. وسيكون قولا فاصلا”، حسب التقرير المصري.
اما الناشط محمود جعفر فقال:”فيه واحد اهبل بيقول لو الشعب عاوزنى امشى حامشى من غير ما تنزلوا . طبعا هو بيقول كده لأنه عارف ومتأكد إن مفيش شعب”
واضاف الناشط مصطفي سرور” طبعا الراجل اللي جالنا رئيس بنسبة 98% ما يصحش انه يمشي الا في إنتخابات و يكون اللي رافضين وجوده متخطين لنسبة ال 98% اللي جابته , المنطق بيقول كده و الراجل نفسه بيقول كده “لو الشعب كله عاوزني أمشي هامشي”
فيما قال المحامى محمد عويضة “مواطن واحد بس هيخلي يقعد كفاية علية واحد لكن اوعي تنسي أن 6 أبريل تملصت و انسحبت و اعلنواها صريحة عايزين النظام”
اماRaed Masri فقال “السيسي في رقبته الاف القتلى من الشعب المصري فهو لا يستطيع ولا يملك الجرأه على الرحيل”
وقالت Amira Elsadek “هتقولى امشى مش همشى هتجيبلى حد يقولى امشى مبمشيش #التناحة_اسلوب_حياة”
اما Hany Momtaz فقال” اسهل حاجة . ارحل . طيب عندك بديل ..يعنى بعد مبارك فى بديل .. طيب بعد مرسى فى بديل .. طب هات واحد من ستة ابريل واعرضة علينا وخلي زعيم واحنا معاه .. غير كدا يبقى بنلعب”، حسب التقرير المصري.
وقال Ana Mohamed Beeh “احنا ننزل نقف طابور ونشوف الناس ونعد نفسنا وأخر واحد هيقولوا خليك هيقولك بص اهو ده عايزنى انا هفضل احكمكم عشان العرص الاخير ده ويطلع ف الاخر إبن انتصار ”
وكان عدد من شباب الثورة قد قاموا امس الثلاثاء بالنزول في فعالية مفاجئة بشارع “التحرير” بمنطقة الدقي رافعين لافتة مكتوبًا عليها “ثوار 25.. لسه موجودين” وأشعل عدد منهم الشماريخ في توصيل رسالة للنظام الحالي أن المطالب الخاصة بالثورة والتي خرج عليها الشباب لتحقيقها من “عيش وحرية وعدالة اجتماعية” ما زالت في طي النسيان ولم تحقق بالإضافة إلى الزيادة في التعسف والقمع من جانب السلطة على الشباب والزج بهم في السجون والمعتقلات دون تهم واضحة على حد وصف قيادات القوى الثورية.