أدلى أحد شهود العيان، بشهادته من موقع حادث أتوبيس شركة أوراسكوم الذي سقط أمس السبت، بترعة المريوطية بالهرم، محافظة الجيزة. وقد أسفر عن مصرع 25 شخصا وإصابة آخرين ، أثناء توجه الحافلة إلى مدينة أكتوبر، صباح أمس؛ حيث قال: 8.00 حصلت الحادثة 8.20 وصلت أول عربية إسعاف 9.00 وصول رائد مرور و(ونش مرور) 9.20 وصول أول قيادات شرطة و حماية مدنية 9.30 وصول المحافظ و الشلة بتاعته 9.40 وصول الغطاسين حتى 10.20 بيحاولوا يطلعوا الأتوبيس وفشلت المطافي (عربية واحدة بها رافعه صغيرة الحجم بالكتير حمولتها عربيه صغيرة جدا) 10.30 وصول ونش من موقع عمل لشركة أوراسكوم (المتحف الجديد) بالطقم بتاعه وبمساعدة أهالي المنطقة استطاعوا يربطوا الأتوبيس و سحبه للخارج .. ملحوظة : - جميع المصابين تم انتشالهم بمجهود (أهالي المنطقة فقط) في أول 20 دقيقة فقط . - وأي كلام عن إن عدد الضحايا أقل من 25 يبقى كذب... الأتوبيس كان فيه 40 واحد و الكلام ده قاله قدامي مدير الحركة لموقع (70 فدانا.. مول مصر.. لشركة أوراسكوم). و اللي لحقوهم الأهالي في أول تلت ساعة الأولى ما بين 12-15 شخص دول المصابين. - وحده مطافي ستوديو مصر تبعد عن موقع الحادثة ب100 متر. ((لو مش عجبك شغلنا انزل انت جبهم)) تعليق نقيب شرطة لما بقوله انتوا جايين بعد خراب مالطه .
