ماهينور المصري: النظام الحالي هو الراعي الرسمي للإرهاب

هاجمت الناشطة السياسية ماهينور المصري، نظام الحكم في مصر، واتهمته بصناعة الإرهاب، على حد قولها.
وقالت في تدوينة لها عبر حسابها الشخصي على موقع التواصل الاجتماعي "فيس بوك": "النهاردة كان في طالب صيدلة محبوس في قسم منتزة تاني حاول ينتحر ، حاول ينتحر لأن المعاملة سيئة و لأنه محروم من النوم بقاله أيام بسبب كونهم 70 في زنزانة ما تساعش نص العدد ده و بيفضلوا واقفين ما بيناموش".
وتابعت: "ماعرفش حتى الناس اللي مع النظام و شايفة أنه أعظم و أنجح نظام في الحياة ممكن تبرر حاجة زي كدة ازاي ، ده حتى لو مجرمين ما ينفعش يحصل كدة فيهم".
وأضافت: "الإنسانية مش رفاهية و العدل مش رفاهية ، دي الحاجات اللي ممكن تنقذنا أو بالأحرى حتنقذ النظام ده نفسه، النظام المجرم هو الراعي الرسمي للإرهاب لأن مظلوم بيتعرض لكل الظلم ده عمره ما حيطلع إنسان طبيعي".