أبو قرن .. المنطقة الممتلئة بالمخدرات و التى ينتفع منها الشرطة

"حاجة للعظم يابيه" ، "كيميا ياباشا" هذه كلمة السر التى يستقبلك بها العديد من الشباب والأطفال المتناثرين عند مدخل عزبة أبوقرن، لعرض بضاعتهم (أشرطة ترامادول وتامول) للوافدين، تحت مرأى ومسمع من الشرطة .
خطوات أخرى داخل القرية، ولن تخطئ عينك ما يسميه تجار المخدرات والأهالى "الدواليب" المخصصة لبيع المخدرات خلف أقدم مسجد للمسلمين فى مصر "مسجد عمرو بن العاص". كما لن تخطئ أيضا فناء المقابر بالعزبة الذى استغله التجار لتخزين المخدرات..
كاميرا مصر العربية تجولت داخل عزبة أبو قرن للاطلاع على المعاناة التى يتعرض لها أهالى العزبة ولا يستطيعون الشكوى أو البوح بمعاناتهم خوفا من أباطرة المخدرات الذى ينسقون ويقتسمون المكسب مع الشرطة، حسبما يقول الأهالى.
النص بالنص
فى البداية يقول "محمود.أ": أهالى العزبة يعيشون فى قهر وظلم ، والحكومة عارفة كل حاجة وبتقبض بالنصف" ، موضحا "أن شرطة قسم مصر القديمة على يقين بما يحدث هنا ، والدولاب الواحد بيكسب مليون جنيه باليوم الواحد شرطة القسم بتاخد الثلث.
وأضاف محمود أن عائلات تجارة المخدرات معروفين بالاسم وهم على سبيل المثال لا الحصر عائلة الصعايدة والدكيل والعكاترة والفص، برشامه وهنومه الفص وابو السريع وغيرهم، وشغالين مع الحكومة ، موضحا أن المشكلة ليست فقط بتجارتهم للمخدرات وإنما فى القهر والظلم والفقر الذى عاشوا فيه ولم يجدوا طريقا آخر سوى تجارة المخدرات .
أما إسلام الكحلاوى أحد بائعى الحشيش بالمنطقة فقال: المنطقة كلها تسول وتجار مخدرات ..والقسم بياكل (رشوة) والحكومة بتاكل واى ضابط من قسم مصر القديمة بيفتح الدولاب وبياخد فلوس وبيقضيها ويمشى .
وأضاف: "الناس الغلابة هنا بتتاخد فى الرجلين ظلم ، وانا عن نفسى ببيع حشيش لو عايزة اطلعلك ، بس ليه بقى بيبع حشيش علشان حاسس بالظلم والمنطقة هنا يا تضرب حد بالنار يا تتضرب بالنار يعنى البقاء للأقوى واللى ماسك المنطقة هنا طارق الوتيدى رئيس مباحث مصر القديمة وهو عارف بكل حاجة ".
مفيش شغل
ويقول "خ . أ" أحد الشباب الذين يعملون بتجارة المخدارت خلال حديثه لمصر العربية "طلعت لقيت اهلى كدا هعمل ايه ومفيش شغل فى المنطقة هنا غير تجارة الحشيش" مشيرا الى انه "يقوم ببيع اصابع الحشيش والتى يبلغ ثمن الفرش 2800 جنيه والصابع الواحد 100 جنيه والنصف ب 50 والربع قرش ب 25" .
وأضاف أن "الأطفال شغلهم كله على الشرائط شريط الترمادول عامل دلوقتى 20 جنيه الحكومة منزلة الحبة الواحدة ب 1 جنيه واحنا بنيعها بجنيه ونصف ".
بدوره يقول سيد الدكيل لمراسلة مصر العربية إن الشرطة قامت بتلفيق قضية لنجله "ه . س . ا" حيث طالبوه بتجارة المخدرات وقالوله :" يا تاكل وتأكلنا يا " وعندما رفض وضعوا له حشيش وبانجو واخذ حكم ب 7 سنين واتحبس ونفذ الحكم وابنى الثانى واخد براءة وبقاله 3 أيام مخرجشى وبيقولوا إن مفيش حبس احتياطى !!.
فقر وظلم
من جانبه قال محمود.ح: "أنا مش مسجل اتاخدت فى حملة مع المسجلين واتحكم على ب 3 سنين والحمدلله بقيت مسجل وانا بناشد الرئيس السيسى يرحمنا من الحكومة وارفع عننا الظلم مش كفاية الفقر ومش لاقيين ناكل وكمان ظلم احنا انتخبناك على العدل وياريت ترفع عننا ظلم قسم مصر القديمة حرام يضيع من عمرى 6 شهور .
وتقول عطيات عليوة إحدى السيدات: إن ابرز المشاكل التى يعانى منها أهالى المنطقة هى الصرف الصحى خاصة أننا نسكن بجانب المقابر والدخان كل يوم بيطلع علينا وهما بيحرقوا الكابلات أما المخدرات انا ماليش دعوة بيها وبعدين الحكومة مش هبلة وعارفة كل حاجة، احنا هنا مش عايشين بقالنا 12 سنة بيقولوا تطوير ولا حاجة بتحصل.

المصدر: مصر العربية