تعرضت الفنانة شيرين عبدالوهاب، لموقف محرج على موقع التواصل الاجتماعي "فيسبوك" بعد ظهور حركة غريبة لها في إعلان فودافون الأخير. وظهرت "عبدالوهاب" مرتدية "جامب سوت" وكأن لديها مشكلة في الحركة، والتي فسرها البعض بأنها غير قادرة على السير بالكعب، أو أنها كادت تقع، الأمر الذي سخر منه رواد "فيسبوك". وظل البعض يتساءل لماذا فعلت ذلك؟ ولكن المذيعة دينا فاروق قررت أن تفصح عن الأمر خاصة بعد سؤالها لزملائها الذين عملوا في هذا الإعلان. وعلقت المذيعة دينا فاروق – عبر صفحتها على "فيسبوك" – مدونة: "اللي بيتكلموا عن حركة شيرين برجليها في إعلان فودافون أنا سألت زملاء اشتغلوا في الإعلان كعب الجزمة شبك في البنطلون كانت بتخرجه عشان ما تقعش وافتكرت انه مش هيبان وإنها بتتصور ميديام". وأضافت "دي غلطة المخرج كان ممكن ياخد الزاوية التانية في التصوير في الجملة دي وبعدين يرجعلها في اللونج عنده كادرات تانية بخمس كاميرات على الأقل". "كفاية هري على حاجات تافهة وتجرح مشاعر الناس شيرين دي اتبهدلت من جمهور بتسعده وتحترمه احنا ليه وحشين كده .. دي إنسانة عفوية وفنانة جميلة".