صفحة "أنا آسف يا ريس" تشمت فى أزمة لبن الأطفال مدافعة عن مبارك

شمتت صفحة "أنا آسف يا ريس" بسبب أزمة نقص لبن الأطفال المدعم فى السوق، ما أدى لقطع بعض الأهالى طريق الكورنيش، والذى كان يوزع عن طريق الشركة المصرية للأدوية والصيدليات على المستحقين لدعم لبن الأطفال.
وقالت صفحة "أنا آسف يا ريس ساخرة": "مبارك هو اللى أكل الجبنة.. مبارك اللى مشى من 6 سنين هو السبب فى اختفاء لبن الأطفال دلوقتى.. مبارك اللى مشى من 6 سنين هو السبب فى ارتفاع الأسعار دلوقتى".
وتابعت الصفحة: "مبارك اللى مشى من 6 سنين هو السبب فى أن الدولار بقى 12 جنيهًا دلوقتى ! - مبارك اللى مشى من 6 سنين هو السبب فى أن الدين العام يوصل ل 2.3 ترليون دلوقتى !.
- مبارك اللى مشى من 6 سنين هو السبب هى ضياع السياحة دلوقتى ! - مبارك اللى مشى من 6 سنين هو السبب فى فضيحة صوامع القمح دلوقتى ! - مبارك اللى مشى من 6 سنين هو السبب فى اى سوء إدارة دلوقتى ! - مبارك اللى مشى من 6 سنين هو السبب فى أى فشل سياسى دلوقتى !".
واستطردت: "مبارك اللى مشى من 6 سنين هو السبب هو السبب فى فشل اقتصادى دلوقتى - مبارك اللى مشى من 6 سنين هو السبب فى إنخفاض الصادرات دلوقتى !
- مبارك اللى مشى من 6 سنين هو السبب فى أن الدين العام يتخطى ال100% من الناتج المحلى دلوقتى.
- مبارك اللى مشى من 6 سنين هو السبب هو فى أننا بناخد أكبر قرض فى تاريخ مصر دلوقتى!
- مبارك اللى مشى من 6 سنين هو السبب فى إلغاء الدعم دلوقتى !
- مبارك اللى مشى من 6 سنين هو السبب فى ضريبة القيمة المضافة دلوقتى !
- مبارك اللى مشى من 6 سنين هو السبب فى الجيش اللى بيبع سكر وزيت دلوقتى !".
من جهته أكد وزير الصحة، أنه تم سحب لبن الأطفال من السوق بسبب وجود مخالفات على الشركة الموزعة، حيث كانت تبيع اللبن المدعم لمصانع الحلويات.