آيتن عامر تنتقد حفل افتتاح قناة السويس الجديدة

وجهت الفنانة آيتن عامر انتقادات لتنظيم حفل افتتاح قناة السويس الجديدة عبر حسابها بموقع Twitter, رغم إنها فى شهر العسل وكتبت: "انا مكنتش عايزه اتكلم عن قناة السويس الجديدة بس حتكلم عن الحفلة باستثناء عمر خيرت لو حفلة لليالى التليفزيون كانت حتبقى أحلى من كدة بكتير".
فردت عليها إحدى متابعيها: سوري يا ايتن أنا رأي غيرك وشيفاها انها رساله واضحه لكل الرؤساء اننا عندنا ابداع".
فكتبت آيتن ترد عليها: هو حضرتك ما شفتيه الديكور والإضاءة والكاميرات اللى كانت بتتهز ولا انا شفت ده كله لوحدى؟؟؟؟
وكتبت أخرى: معلش كنا المفروض نعزم اوكا علشان نبسطكم
فردت عليها آيتن: أوكا ايه بس انا بتكلم عن الحفلة وبقول عمر خيرت وأوبرا عايدة احسن ما فيها هو حضرتك فاهمة كلامى ؟؟؟ انا بنقد الإضاءة والديكور.
وكتبت أخرى ترد على آيتن: بس طبعا فى كل الاحوال ده شئ مختلف عن اللى قبل كدة وكويس مش وحش ودايما مصر فرحانة يا رب, دة اكيد طبعا لو اتخدم عليها هتبقى احلى ولو كان زاد عليها فقره للفنانين كانت تبقى احلى انا حسيت وقتها صغير كمان واللبس مش عجبنى اوى .. هى الفكره عشان توصف إن مصر راقية فى تقديم الفن ودة هيساعد مصر كتير من ناحية السياحة برضه.
فردت عليها آيتن: الرقى موجود فى الحفلة طبعا دى حاجة محدش ينكرها بس متحطش فى برواز يليق بيه للاسف كان ممكن يتخدم عليه اكتر من كده.