المنسق السابق لحملة عمر سليمان يتهم باسم يوسف بالماسونية

اتهم سامح أبو عرايس، المنسق السابق لحملة عمر سليمان ، اتهامه للإعلامي الساخر باسم يوسف، مقدم برنامج "البرنامج"، بأنه "ماسوني"، مؤكدا انه سيواصل فضحه، على حد تعبيره.
وكتب "أبو عرايس"، على صفحته الشخصية على موقع التواصل الاجتماعي "فيس بوك"، في الساعات الأولى صباح اليوم السبت: "الماسوني باسم يوسف اتكلم عني النهاردة.. أنا ضحكت على فكرة الكوميديا والهزار مابزعلش منهم خالص، بس برضه هافضل أتكلم عنكم يا باسم.. انت ماسوني، وعارف إنك ماسوني، واللي دربك يهودي ماسوني اسمه جوناثان ستيوارت ( جون ستيوارت )، وانت استضفته في برنامجك، وتمت بينكما مصافحة ماسونية، والمسئول عن الدمية (أبلة فاهيتا) اللي بترسل رسائل الإرهاب هو خالد منصور (جماهير) اللي شغال معاكم.. إنتم شبكة ماسونية واحدة، وعلى فكرة كمان الضيف اللي إنت جايبه النهاردة عمرو سلامة ماسوني هو كمان، والمنتج بتاعه محمد حفظي ماسوني هو كمان وشعار شركته (فيلم كلينيك) العين الواحدة وانتم بتلمعوا بعض كالعادة".
وأضاف: "برغم أن باسم يوسف كان بيسخر مني في حلقة النهاردة، وسخر مني في حلقات قبل كده خاصة سنة 2011 حين كنت أحذر من وصول الإخوان إلى الحكم ومن مخطط تقسيم مصر، إلا إني عاوز أقولكم اني متابع لبرنامج باسم يوسف وباضحك عليه ولو تفتكرو كنت معترض أنه اتوقف، وأنا ضد ما يحاوله البعض من منع للبرنامج أو المظاهرات اللي قدام ستوديو التصوير، وبتحاول تمنعه والكلام السخيف ده.. لا بد من حرية الإعلام والبرنامج الساخر مافيش منه مشكلة، لكن الفكر يواجه بالفكر، وفي النهاية هو بيقول أفكار واحنا بنقول أفكار، لكن هو لم يحمل سلاح مثلا مثل الإرهابيين علشان ألاقي ناس سخنة ومحروقة منه كده".
وسخر باسم يوسف في حلقة "البرنامج"، مساء الجمعة، من "أبو عرايس" بسبب اتهامه هو والمشير عبد الفتاح السيسي، وزير الدفاع والإنتاج الحربي، ب"الماسونية".