حبيبي .. أريد خلعاً

حبيبي ...
من غير عتاب وفي أيامك الهباب ..أيام الوجع والعذاب ..أريد خلعاً
الصبر خلاص خلصانه .. والخير اللي انتظرناه معاك خلاص شوفناه ..
حبيبي...
كل الدنيا بتقولك اتقي الله ... وأنت ما بتسمع ولا عينك بتدمع .. ولما حد يقولك لمها ضمها دا أنت حزنتها ونيتلها وخلتها خل .. أنت مطنش ومكبر الجمجمة ..
حبيبي ...
رافع شعار "طنش تلظلظ " و لظلظتك ما باين ليها آخر ... فارقنا طالما مش عارف تدير ولا فاهم اللي بيدور
حبيبي ...
معظم كلامك زور... وأنا عارف أن أنت عارف إنه زور .. إياك مش بتشم اللي جاري دا أنت خليت ريحتها ازفت من طفح المجاري ...
حبيبي....
أنت يا جلاب الغم والهم كفاية .. كفاية تعمل فيها اصم .. دا الكيل طفح
كل يوم بندفن حلمنا و البلد الواحد اللي بيضمنا .. وأنت بتتصرف كأنك عدونا ...
حبيبي .....
كل حاجة عندك مقلوبة .. وناقص تضربنا بشبشب زنوبه .. احلفك أني معاك من نعمة الأمن محروم ..كأني في خرابة مش باسمع غير صوت البومة...
حبيبي....
تكونش فاكرني من ملك اليمين أو من عبيد ابوك ..
عاملي فيها دبور وانت الأرض الخضرة لما تشوفك تبقي بور ..
حبيبي .. أريد خلعاً