مدونة يمني : رباعيات سياسية

جوات طريق الخير درب الألم مفروش
وأوعاك طريق الشر تجنى أمل مغشوش
وخطى بعدل القدم وإثبت بقلب سليم
تفضل بقى إنسان وغيرك يبقوا وحوش
********************************
يلى إنت عامل برم وحاسب نفسك كبير
لو تعلا علو الهرم مصيرك تقع فى البير
ياشاطر فى صنع الكلام ونسيت تبقى حويط
بكره تدور ل يام ويشارورا عليك حقير
*************************************
بالغش والحنجله مايفيدش أبداً يوم
لو تنوى لى ع البلا غيرك بقى يدوم
واوعاك تسرق البلد وتقول هوده المطلوب
تنهب وتجنى من خير البلد وإبنها محروم
****************************
بحق كلمة حق تطلع مع صوت الآدان
هو ليه الظلم إنتشر وبيدق ع البيبان
بالغش والحنجله عملو نفسهم قديس
وليه الخير بقى المقتول والشر بقى السجان
***************************************
يلى إنت سايق اللوع ولا حد بيهمك
أوعاك تقول بقى سحنتك أوعقل بيدلك
لو تلعب على الحبيلين والسلطه كمان وياك
بكره الحبل ينقطع وفعل اليوم ه يزلك
**************************************
الحقايق صفحه بيضا ذى الضمير لوكان سليم
ذى الهلال والبدر طالع يكشف الليل البهيم
والهموم كالتل واقفه فوق صدور المحتاجين
البلد دى فيها شيئ يحير يهبل العقل السليم
***************************************
شعبها طيب موافق والجباه واسعه وعريضه