فلان: دماغك معاك؟ علان: أمال يعني راكنها قدام العمارة؟! فلان: لأني قريت كلام علي لسان أحمد البرعي وزير القوي العاملة السابق قال فيه إن الداخلية لسه شغالة تبع "العادلي"!! علان: ده كان أيام الوزير عبدالعظيم عبدالحق. فلان: نعم.. ده فنان كبير مش وزير!! علان: لا.. قصدي منصور العيسوي! فلان: الراجل بيقولك العادلي.. تقوللي العيسوي.. العملية كبيرة يا معلم.. علان: الخلاصة إن الداخلية عايزة تطهر. فلان: الناس بيعملوا اللي عليهم.. واحنا لازم نعمل اللي علينا. علان: والمجرمين والبلطجية والبياعين الصيع والسواقين الفتوات والخطافين.. نعمل فيهم إيه؟!! فلان: نسيب لهم البلد ونمشي.. ونقفل الباب ورانا واحنا خارجين!!