"وزعوهم علي السجون.. قبل ما يلعبوا بالقانون"!!

غمرت مشاعر الفرحة والسخرية أيضا تعليقات المصريين علي مواقع فيسبوك وتويتر ويوتيوب عقد تداول خبر تجديد حبس الرئيس المخلوع حسني مبارك مع نجليه جمال وعلاء 15 يوما علي ذمة التحقيقات.
وفي اشارة لم تخل من دلالة واضحة. قال أحد النشطاء: "مبارك اللي كان بيتريق علي البرلمان الموازي هيبقي هو شخصيا رئيس نظام موازي في طرة لكن الخوف كل الخوف ان مبارك ورجاله يديرون معارك من وراء جدر طرة يا ريت الحكومة تاخد بالها من الموضوع ده.. تليفوناتهم لازم تتصادر ولابد حد يراقبهم.. وياريت بقي يوزعوهم علي باقي سجون مصر وده أفضل حل أصل الجماعة دول معاهم خبرة في القانون وبيحكوا لبعض نقول ايه ونتصرف ازاي وهكذا". وكان الرئيس المخلوع مبارك قد سخر في ديسمبر 2010 من فكرة البرلمان الموازي. وعلق خارج نص كلمته أمام الجلسة المشتركة لمجلسي الشعب والشوري علي فكرة البرلمان الموازي. بقوله "خليهم يتسلوا".