تفاصيل "طرد" باسم يوسف على خشبة المسرح بأمريكا

شاهد عيان يروي..

نشر الإعلامي الساخر باسم يوسف، شهادة أحد حاضرين حفل الخاص به في الولايات المتحدة الأسبوع الماضي، والذي ادعت إحدى الصحف بأن الجماهير طردته من على خشبة المسرح بعد إساءته للدولة المصرية.
وقال إسلام خليل، في منشور له على موقع "فيس بوك" إنه كان فى العرض المسرحي مع أحد زملائه وسط الجماهير، والذي تصادف بجوار بعض المؤيدين لنظام الرئيس عبدالفتاح السيسي، مشيرًا إلى أنه سجل العرض كاملًا بالصوت.
وأضاف أنه بمجرد جلوسه في العرض تفاجأ بإحدى مؤيدات النظام يتجاوز عمرها الستون عامًا تسألهم "وانتوا بقى تبع السيسي؟"، فيرد عليها صاحبه قائلًا: "هو انا لازم اكون تبع حد علشان اجى؟"، ويدور بينهما الحوار التالي:
السيدة: "لا إحنا جايين علشان لو الكلام معجبناش نشتمه"
زميله: "و لما هو كده إيه اللى جابك أصلا"
السيدة: "مش جايين بفلوسنا، نقول اللى إحنا عاوزينه"
وأضاف: "قبل العرض مع تقديم باسم كان فى تحذير بالانجليزي و العربى أن ممنوع التصوير و الفيديو.. مع بعض من العبارات الخفيفة و الاذاذه بتاعت مركز شباب السيسي من نوعيه "هى منطقه عسكريه" و "ليه يعني احنا مش دافعين فلوووز؟"، العرض ابتدى بفيديو عن تاريخ باسم من بدايته فى توتيوب من اوضه الغسيل لحد وقف البرنامج، مركز شباب السيسى كان فطسان من الضحك فى اى حاجه تضحك على مرسى و الإخوان بس".
وأشار إلى أنه بينما دخل باسم وصفق الحاضرون فإذا بالسيدة تصرخ قائلة "وى ستارت وز ببلادى بلادى"، ليرد عليها باسم: "نعم؟ مسمعش"، فتكرر العبارة مرة أخرى وينادي معها أحد المؤيدين "تسلم الايادى"، ويدور حوار شد وجذ1ب بينها ومبين باسم.
وتابع: "بعد نص ساعة كده قرر الأستاذ أحمد جمال، المغنى المغمور اللى محدش سمع عنه أصلا انه يعمل فيها خبيث ويصور بالموبيل.. السيكيوريتى الموجود شافه و جه علشان يطلعه بره"، فيما تشاجر عدة أشخاص مؤيدين للنظام مع الأمن، فيما ردت على الأمن إحداهم تدعى حنان قائلة: "ايه ايه ايه.. عمل ايه؟ انا شايفاه معملش حاجه ..الاستاذ احمد جمال ده محترم جدا"، لتستنجد السيدة الأولى بباسم قائلة: "يا باسم قلهم يسيبوه".
واستكمل: "الجمهور بعد نفاذ الصبر هتف: "بره.. بره... بره.." طبعا هو ده الجزء اللى اليوم السابع نزلته على أساس أنه طرد باسم ف حبيت أوريكوا المقطع كامل فى سياقه علشان الهرى، جديرا بالذكر برضه ان نفس الناس ابتدت تهتف "باسم .. باسم.. باسم.." فى ملحمة مزدوجة علشان الراجل يسيب الأستاذ أحمد يقعد على طول كده يا جماعه؟ من اول قفا كده؟ ده حتى الأخ أحمد كان شكله كيوت هو واقف متنشر كده و الأمن حواليه و الناس بتهتف انه يطلع بره".
واستطرد: "مش حطول عليكوا بس اللى نفسه فى اى تفاصيل يقول.. عادى فى واحد اهبل قدامى اتطرد علشان كل شويه يعلق.. الأخت حينان كانت حتتطرد و عملت فيها شهيده أذان العشاء و ان التليفون بينور لوحده.. و قلبى .. قلبى خلاص مش قادره اقعد و كلام اهبل.. و بتقول لباسم انا مذيعة على فكره.. واحد مغنى و التانيه مذيعة. . ماشى يا عم المغمور منك له جايين تعملوا سببوبه".
وأضاف: "المهم العرض كان مالوش اى علاقه بالآخ الجنرال و باسم يوسف مقالش ولا كلمه تسئ لمصر أو سمعتها و كلمه سيسي مطلعتش من بقه اصلا.. إنما مركز عواجيز الفرح اول ما بتزنق كان بيقول سيسى... سيسى.. سيسى، خدمتوا البلد انتوا كده؟ الاقتصاد اتحسن؟ التعليم تمام؟ الأمن مستتب؟ يلعن أبوكوا كدابين ولاد كلب".
فيما علق باسم يوسف على المنشور قائلًا: "إهداء الى اليوم السابع و كشف للموضوع الرخيص اللي كتبوه. و أحب اضم صوتي لصوت كاتب البوست الكذب مالوش رجلين. انا برضة أحب احيي صاحب البوست على الوصف التفصيلي و خفة دمه. و احنا عندنا الحفلة متصورة بالكامل بس بصراحة احنا مش محتاجين نثبت ان اللي اتكتب هو شغل "الكتيبتين" اللي بيعملوا النت دايرة معلقة"، مضيفًا: "أصل يا جماعة لازم تفقدوا الأمل في لجنة رخيصة أو واحد صدق جهاز الكفتة. فاللي داخل يشتم أصلا ما يتخيرش عن العاهات الهتيفة اللي جم".