بالفيديو.. القرموطي: الإخوان شمتوا فينا

قال الإعلامي جابر القرموطي، إن قضية جزيرتي صنافير وتيران أصبحت أزمة لأن الشعب المصرى شعر بأن نوعًا من "المقايضة" وقع، ما طغى على فوائد زيارة العاهل السعودى التاريخية، وأكد القرموطى أن ذلك يعود ل"سوء إدارة الملف" من كلا الجانبين المصرى والسعودي، وذلك على برنامج "مانشيت" على فضائية "ONtv"، الثلاثاء.
وأضاف القرموطي: "إحنا مش مشكلتنا إن الجزيرتين دول سعوديتين أو مصريتين، مشكلتنا فى إدارة الملف، حتى من جانب السعودية، يعنى السعودية كمان أخطأت معانا فى إدارة الملف.. ليه بقى؟ لأننا إحنا الاثنين فجرنا الزيارة. فهى ناجحة بكل المقاييس، وما بتحصلش كتير، ومش حتحصل كتير، أن يجى خادم الحرمين الشريفين ويتكلم عن قضايا، إيه ده؟ إحنا ما شفناش كده قبل كده، فى العصر الحديث حتى، من خمسين سنة.. ما شوفناش ملك السعودية أو رئيس دولة يجى يعمل معانا اللى اتعمل ده."
ووصف القرموطى ما آلت إليه الزيارة بأنه "نوع من التوأمة" وأن الشعب المصرى شعر بذلك، مضيفًا: "لكن تفخخت التوأمة، بقينا منفصلين.. ليه؟ لأن اللى حصل إن إحنا حطينا ملح زيادة أوى على الأكل، إحنا حطينا شطة زيادة أوى على الأكل، إحنا قلنا إن الأكل آه لذيذ وكويس وطِعم وحلو، فطمعنا، كل ما نحط شوية ملح، نحط كمان شوية، لما خلاص بوّظ الاتفاقيات، طارت الاتفاقيات، مش حاسين بالاتفاقيات، بدل ما كنا ننعم بفكرة الخلاص والبداية والاتفاقيات والتوأمة والمشاركة، كنا عازين نتكلم عن ده، عن التحالف.. لكن ما حدث خطأ يُسأل عنه كل مسئول فى المملكة العربية السعودية وكل مسئول فى جمهورية مصر العربية".
واستطرد القرموطى عن "الخطأ" الذى رأى أنه حدث فى إدارة ملف الجزيرتين، قائلا: "شعر البعض بأنه حصل نوع من أنواع المقايضة، وهذا لم يحدث، بس شعر البعض بده.. ده حتى (آسف يا ريس) ينتقدوا.. وصلنا لمرحلة إن الإخوان و"آسف يا ريس" بقوا متعاطفين مع بعض، بيقولوا إحنا ما بعناش لكن السيسى باع".
وأكد القرموطى أن السيسى "كان فى حل تماما أن يبعد عن هذه الأزمة لو كان هناك إدارة جيدة لها.. لازم نعترف يا سيادة الريس إن إحنا حتى الآن لا ننجح فى إدارة أى أزمة".
شاهد بالفيديو