6أبريل ل «السيسي»: «خليك اد كلمتك قبل نهايتك السعيدة»

تجري استفتاء الكتروني شعبي

دعت حركة شباب "6إبريل"، الرئيس عبدالفتاح السيسي لإجراء استفتاء شعبي على بقائه في الحكم، في أعقاب خطابه أمس خلال الاحتفال بالمولد النبوي الشريف الذي قال فيه إنه لن يستمر للحظة في السلطة إذا كانت تلك رغبة الشعب.
وقالت الحركة في منشور لها عبر موقع التواصل الاجتماعي "فيس بوك: "طيب بما إن عدد مستخدمي السوشيال ميديا في مصر أضعاف عدد (...)اللي انتخبوك، فممكن نعمل استفتاء مبدأي، بس المهم تطلع أد كلمتك مرة واحدة في حياتك قبل نهايتك السعيدة".
وتابعت: "بس حتى لو قررت تمشى عشان شايف المركب بتغرق خلاص وعايز تنط وتلحق نفسك، متفتكرش إنك هتخرج منها آمن.. لسه لسه كل أم ضناها اتقتل على إيدك أنت و(..) هتاخد حقها منك، ولسه كل أب ابنه اعتقل واتحرم منه هياخد حقه منك، ولسه كل واحد أخوه أو صاحبه اتصفى قدام عينه هياخد حقه منك، المهم إنك سواء مشيت بإرادتك أو غصب عنك كده كده نهايتك هتبقى سعيدة جدا.. ارحل (...)".
كان السيسي قد وجه عدة رسائل للشعب المصري والحكومة ونواب مجلس الشعب وعلماء الدين قائلاً: "لو عايزينى أمشى هامشى من غير ماتنزلوا بشرط أن تكونوا كلكوا عايزين كدا مش تيجى مجموعة توجه نفس الدعوات فى مناسبة الأعياد التى نحتفل بها أنا طائع فى ترك السلطة لأن السلطة بإرادة الله".
وجاء ذلك خلال احتفال وزارة الأوقاف، بمولد النبى صلى الله عليه وسلم، الذى أقيم صباح أمس الثلاثاء، بحضور رئيس الوزراء، وشيخ الأزهر الدكتور أحمد الطيب، والبابا تواضروس الثانى، وأعضاء مجلس الوزراء، وشهد الحفل تكريم عدد علماء الدين، وبعض كوادر وزارة الأوقاف.