الشقنقيري: شكلنا بقي يكسف

انضم الفنان محمد الشقنقيري, لحملة الهجوم على الإعلامية ريهام سعيد, حيث وجه لها رسالة شديدة اللهجة, عبر حسابه على موقع التواصل الاجتماعي "فيس بوك".
وكتب الشقنقيرى, على صفحته في "فيس بوك": «أحب أن أسجل قبل أي حاجة إعجابي الشديد بقوة الحملة اللي على ريهام سعيد.. اللي للأسف تعتبر زميلة في مهنتي.. بس طبعا تصرفاتها ومن زماااان جدا تدعوا للخجل.. بس أنا ليا رأي أحب أوضحه.. وهو إن الحملات بتاعت "فيس" و"الميديا" أثبتت قوتها.. ومدى تأثيرها على المسئولين وأصحاب القرار.. وإن الجمهور ده صاحب ذوق راق وناس محترمة.. وبتلفظ الأشياء القذرة والحقيرة اللي للأسف أصحاب القنوات بيساعدوا على انتشارها دون أدني اعتبار لعادات وتقاليد وقيم شعب دولة مصر العظيمة.. وإن أصحاب القنوات دي ناسية أو عاملين نفسهم ناسيين.. إن قنواتنا دي بتتشاف في العالم كله وإن شكلنا بقى يكسف.. ولما واحد سوري أنا أسف يطّلع مرة "..." على الهوا.. ومرة يشتم وغيره وغيره.. مش هو بس والمسئولين في الدولة بيتفرجوا زينا بالضبط.. ومفيش حساب.. وإن إعلام مصر العظيمة يبقى كده على كل القنوات.. المهم أنا عاوز أقول إن بما إننا مؤثرين بالشكل ده تعالوا نعمم الحملات دي على أي مقدم أو أي برنامج يسيئ لسمعة أي مواطن مصري أو لسمعة بلدنا العظيمة.. ياخوانا مصر دي كبيرة أوي».