إسراء الطويل: أتمنى قضاء العيد مع أسرتى

عن شقيقتها..

روت آلاء الطويل شقيقة المعتقلة إسراء الطويل، تفاصيل زيارة أسرتها الأخيرة بسجن القناطر وعن رغبة إسراء الملحة في قضاء عيد الأضحى المبارك بجانب أسرتها وبعيدًا عن أروقة السجن بالإضافة إلي فرحتها الكبيرة بعد أن قامت شقيقتها بطبع صور فوتوغرافية ل"القطط" التي كانت تقوم إسراء بتربيتها.

وقالت آلاء في تدوينة عبر صفحتها الشخصية بموقع التواصل الاجتماعي "فيس بوك": زيارة إمبارح كانت عبارة عن إنها ماسكى صور "وودي وعيالها" بتحضنها وتبوسها وتوريها للسجّانة وللي بيزوروا وتقول شوفوا قططي جميلة إزاي، وتقول خدي اتفرجي يا أم يحيى بس سمّي وقولي ما شاء الله".
وتابعت آلاء: "وأنها قاعدة تقول خلاص أنا خارجة أنا هعيّد معاكوا المرة الجاية آخر مرة أنا خارجة خلاص يا أم يحيى أنا همشي المرة الجاية هروح أعيّد مع قططي".
واختتمت آلاء قائلة: "بنسألها فين ورقة الطلبات؟ قالت لأ مفيش طلبات الجلسة الجاية هتكون يوم الزيارة وأنا هخرج متجيبوش طلبات مفيش زيارات تانى".