بالفيديو.. أهالي باب الشعرية والموسكي لمحافظ القاهرة:"معندناش تكاتك عشان تحظروها"

بعد قرار محافظ القاهرة الدكتور جلال السعيد، بحظر سير التوك توك نهائيًا في أحياء "الموسكي، وباب الشعرية، وبولاق" وعدة أحياء أخري تمهيدًا لحظرها نهائيًأ فى جميع أحياء القاهرة البالغة 37 من خلال التنسيق مع إدارات المرور وشرطة المرافق والأحياء.
رصدت " المصريون" آراء المواطنين من أحياء "الموسكي وباب الشعرية " فى القرار حيث فوجئنا برد أسامة محمد أحد أهالي "باب الشعرية، قائلًا: "إحنا أصلًا مفيش عندنا تكا تك عشان يحظروها إحنا أول مرة نسمع الكلام ده مفيش توك توك فى الحي كله ".
وواجهنا على أحمد قائلًاً:" مفيش تكاتك هنا وعمرنا مشفنا حاجة شغالة فى الحي هنا فى باب الشعرية أو في حي الموسكي وأقرب مكان فيه تكاتك مناطق إمبابة أو الوايلي والزاوية".
وقال الحاج عبد الرحيم سيد أحد سكان حي الموسكى،: "مفيش تكاتك بتمشي هنا أصلا ومن زمان مشفناش تكاتك فى المنطقة هنا".
وكان قرار محافظة القاهرة، نص على دفع صاحب التوك توك المخالف لقرار الحظر غرامة مالية تقدر ب 1500 جنيه فى حال السير فى المناطق المحظورة وسحب التوك توك نهائيًا فى حالة المخالفة للقرار.