بالفيديو.. أديب ل"السيسي": "اللي حصل ده انقلاب"

تعليقا على تفجيرات الإنتاج الإعلامي..

استنكر الإعلامي عمرو أديب، تكرار انقطاع التيار الكهربائي عن مدينة الإنتاج الإعلامي للمرة الثالثة قائلاً: "فين التأمين وفين الاحتياطي بتاع المحطات المصرية"؟
وأضاف أديب في برنامجه "القاهرة اليوم"، على فضائية "أوربت" موجها حديثه لرئيس عبد الفتاح السيسي: "اللي حصل ده انقلاب يا ريس، عبد الناصر، كان عامل زمان إذاعة اسمها أم كلثوم بتبث من البحر علشان كان فاهم، وأنت لازم متنامش وتسأل الجهات السيادية فين احتياطي القنوات المصرية؟ أهم حاجة تليفزيون بلدي".
وتابع أديب: "أنا مش بتكلم على مدينة الإنتاج، فجروا المدينة مش مهم المدينة، إحنا عايزين نعمل منظومة أمنية اللي هيعمل النظام الأمني هيدخل التاريخ، المنظومة دي تبقى بكام، هتبقى بكام وإحنا ندفع".
واستطرد أديب: "اعملوا دراسة جدوى وشوفوا كام وقولوا لي دي ضريبة الأمن وإحنا ندفع هيطلع كل واحد فينا عليه 5 ولا 10 ولا 20 ألف هندفع".

شاهد الفيديو