صباحك عسل.. (بالفيديو..مفاجأة مدوية عن رأى المصريين فى تليفزيون مصر)

* مذيعة التليفزيون المصرى ضحكت وسخرت مما أسمته (شائعة) عدد قتلى مجزرة الوايت نايتس،وقالت دول19قتيل مش 22..وأكدت خد بالك من أكدت أن دور الإعلام مهم لنقل الخبر الصحيح..انتهى كلام المحروسة،وتحَجَّر وجهى على الشاشة فى ذهول..إذ رن جرس هاتف البرنامج وكانت المتصلة مواطنة مصرية أرادت أن تعلق على ماسمعته من المذيعة..وفيما يلى مادار فى المداخلة بكل أمانة وصدق:
المواطنة: دا التليفزيون المصرى؟

= المذيعة: أيوه يافندم مين معايا؟

المواطنة: مش مهم انا مين..المهم رأيى إيه.

= المذيعة: أكيد يافندم..وكل الاحترام لرأيك،وأهلاً بيكى.

المواطنة: أهلاً ياحبيبتى،من فضلِك عايزة اقول حاجة واحدة الخَّص فيها رأيى فى اللى انتى قُلتيه ، ورأيى فى التليفزيون المصرى.

= المذيعة: إتفضلى يافندم.

المواطنة: (........................)!!!!!!!!!!.

= المذيعة:أعزائى المشاهدين..واضح ان المتصلة كانت مدام (انشراح)..نطلع فاصل.