وجهت الإعلامية ريهام سعيد رسالة نارية للصحافيين ، معربة عن استيائها للهجوم الدائم عليها من قبلهم قائلة: "اللي هيغلط فيا هغلط فيه". وقالت "سعيد" موجهة حديثها للاعلام عبر برنامجها "صبايا الخير" قائلة: "إذا كنتوا أنتوا فاهمين الناس، لو هتعاقبوا الإعلاميين اللي بيردوا على الناس اللي بتهاجمهم أو بتشتمهم أو بتغلط فيهم، فحاسبوا الأول الناس اللي بتغلط في الإعلاميين على المواقع الإلكترونية بالأب والأم". وأضافت : "إذا كنتوا أنتوا فاهمين إن احنا مش بني آدمين، إن احنا هنتشتم ونسكت، يعني الناس ليها حق إنها تشتمنا واحنا ملناش حق إن احنا نرد". وقالت "مش لما تتكلم عن رد الفعل تتكلم عن الفعل الأول، لا معلش أنا أه إعلامية لكن أنا عندي كرامة، وأي حد هيغلط فيا هغلط فيه".