نشطاء الفيس بوك يطاردون محافظ الإسماعيلية بسبب "إصبعه"

نال اللواء أحمد القصاص - محافظ الاسماعيلية - هجوماً شرساً بسبب الفيديو الاخير الذي ظهر له يخاطب الجماهير ويشير لهم بإشارة خادشة للحياء بإصبعه .
وقال أحد النشطاء : حين يكون دة اسلوب محافظ واشارة اصبعة للجماهير ويمر هذا لموقف مرور الكرام دة يؤكد اننا فى بلد اختلت فيها كل الموازين والله عيب كل العيب ان نرى تلك المشاهد من محافظ الاسماعيلية مش عارف الشوارعجية يعملوا اية اكثر مما فعلة المحافظ .. فيما قال اخر: يعنى ساويرس خد اعفاء من كذا مليار وخد فوقيهم بوسة وابو العينين وعز وكل اللي نت نفس عينتك دول .. وانت يا محافظ ما بتطلعش من مكتبك وبتاخد كام وعامل النضافة اللى برقبتك بياخد كام؟ هى دى مشكلتنا يا فاشل عشان تعملنا كدة بصباعك؟ مش ضيوف عندكو احنا وقال ثالث: بقي بالذمة ده أسلوب واحد محافظ في الكلام ... والله فيه عربيجة بيتكلموا بأسلوب أرقي من كده .
فيما دافع البعض عن المحافظ حيث قال احدهم: بلاش تفكير "وسخ" ... الحركة تلقائية الا اذا كان اسيادك فهموك انها مقصودة .. وقال اخر: الراجل مش قصده على فكره ..دى حركه تلقائيه لكن عشان انتوا ناس قذرين اخدتوها بالمعنى دة .. فيما حاول الثالث ان يبدو محايداً فقال: اسلوب وقح بس صريح شويتين ولا يقل سفالة عن وزير الاخوان اللي كان بيقول تعالى وانا اقولك فين .
لمشاهدة الفيديو: