"فيس وتوتير" بعد خطاب السيسي: مفيش.. وتحيا مصر

فور دقائق من انتهائه، تفاعل رواد موقعي التواصل الاجتماعي «فيس بوك وتويتر» مع خطاب الرئيس عبد الفتاح السيسي، والذي ألقاه ظهر اليوم، وطالب فيه الشعب بالصبر على المشكلات، التي تحل بالبلاد، لا سيما أزمة انقطاع الكهرباء بشكل كامل عن معظم محافظات مصر أول أمس الخميس.
خطاب السيسي لاقى تعليقات كثيرة عقب انتهائه، من النشطاء، منها تعليقات تشيد بالخطاب ومضمونه، بينما اشتملت تعليقات أخري على السخرية من الخطاب.
الناشط Doctor قال: «أشكرك يا فخامة الرئيس على الشفافية والمصارحة فلقد كانت اهم مطالباتي».
وكتبتNΞVΞIN: «أنا ماشفتش خطابه ولا حبيت أتفرج بس خلاص حفظت هو ممكن يبتديه إزاي وينهيه إزاي حتى تويتس مؤيديه حفظتها بعد كل خطاب والله».
لؤي عمران دون: «السيسي، كهربا ما تلاقيش، أمن مافيش، يا رب ساعدنا وتحيا مصر بالتلاتة والسلام عليكم ورحمة الله وبركاته، خطاب السيسي، مش هينفع نطبطب علي موظفين الكهربا، عشان إحنا لسه مخلصناش طبطبة علي موظفين الداخلية».
بينما قال الناشط ASSERELMO: «من خطاب السيسي تفهم إن مفيش أقذر من الاعلام في مصر، إعلام متخلفين وجهلة».
ورأت بسنت البايرقدار: «أنا انتخبت هذا الرجل لأني لا أتحمل الرجل الضعيف المهزوز المغلوب على أمره وكلي ثقة فيه الله يعينك يا ريس».
وعلقت Emy Fouda: «عندنا مشكلة في الكهربا والمكاشفة وطرح المشكلة وتحدياتها والحلول ليها هو أول خطوة في الطريق الصح زي خطاب السيسي، مش الواد بتاع السكينة».