نجلة الشاطر ترفض الهجوم على "العمدة" و"الوسط"

رفضت عائشة خيرت الشاطر، نجلة القيادي بجماعة الإخوان المسلمين خيرت الشاطر، الهجوم الذي طال مؤخراً البرلماني السابق محمد العمدة، والقيادي بجماعة الإخوان المسلمين حلمي الجزار، وحزب الوسط.
وقالت في تدوينة لها على موقع التواصل الاجتماعي «فيس بوك»، «طيب خونت و اتكلمت عن العمدة اللي اتكلم و طلع مبادرة وأنها صفقة طلعوا علشانها .. اتكلمت و قطعت في فروة حلمي الجزار اللي سكت و متكلمش انه ليه ساكت و متكلمش لحد دلوقتي و موقفه عليه علامات استفهام».
وتابعت « يعني اللي اتكلم شككت فيه و اتكلمت عنه و اللي سكت برضه مسبتوش في حاله و اتكلمت برضه عنه .. اتكلمت عن حزب الوسط و هريت .. صنفتهم انهم مش وطنيين و عملاء و بيدوروا علي مصالحهم و قلبت عليهم علشان مش عاجبك قرارهم و موقفهم».
وأضافت «طيب وانت مين يتكلم عنك .. عن نفسك اللي مديها الحق تخون في ده و تطعن في ده و تغتاب ده، انت اللي كتير منك لا يعرف حقيقة ده و لا صحة ده و لا خبايا الأمور في ده، سالت نفسك حتي هو مين ده و ايه أهمية كل ده و لا ايه ثقل ده، ولا بسرعه قعدت و اتكلمت و مفكرتش في دورك بتكرار الكلام و زيادة البلبله لما كل واحد يعمل زيك بقي قد ايه الكلام».
واختتمت التدوينة قائلة «طيب مفكرتش في ده فكر في صحيفتك عند ربنا اللي عماله تتملي بالتشكيك و التخوين و اللت و العجن.. شئ مؤسف، استقيموا يرحمكم الله».