خيري رمضان: هل صليت على النبي اليوم؟

انتقد الإعلامي خيري رمضان، مقدم برنامج "ممكن" على فضائية "سي بي سي"، الاهتمام الإعلامي والرسمي بملصقات "هل صليت على النبي اليوم"، قائلا "يعني إيه اللي ممكن يكون ورها، عارفين إن دماغنا فاضية".
وأضاف رمضان عبر برنامجه مساء اليوم: "يعني إحنا مشغولين بلد بحجم مصر كبير لسه بتقول يا هادي، عندنا قانون انتخابات برلمانية عامل مشاكل، وفضيحة أن الأحزاب مش عارفة تعمل تحالفات وعمالة تتخانق".
ومضى بالقول "إيه الحارة الضيقة اللي بنفكر فيها مصر واسعة، يعني إيه حد يقول اللي يقولك صلي على النبي ترفع عليه دعوى تكفير".
وتابع "عندنا حكومة مش عارفين اتشكلت إزاي، جالنا وزير نقل لا نعلم أي مؤهلات له في النقل، قالوا إن ناس جاية ومش جت، الحكومة تعمل في صمت غريب".