أحمد ماهر يتعهد بكشف تفاصيل جديدة عن "خطة الدم" للإنقلاب علي مرسي

شن أحمد ماهر - مؤسس حركة 6 إبريل - هجوما شرسا علي بعض النشطاء الذين وصفهم بالمتعاونين مع "أمن الدولة" و "المخابرات" وصفا إياهم بتدمير الثورة.
وقال ماهر في سلسلة تغريدات: اللي فش... الثورة ولسه هايفش..ها وعمرها ما هاتنجح بسببهم. هم الامنجية اللي عاملين نفسهم ثوار، الأمنجية المتثورجين اللي دورهم المزايدات والتخوين والنميمة وتكرار كلام الأمن علي القهاوي وعلي النت. واللي بيبتدوا العنف ويلبسوا الكل في الحيط.
وأضاف: زي اللي واكل شارب نايم مع أمن الدولة والمخابرات وجاي اخر اليوم عامل ثورجي وبيشارك في وقفة المعتقلين في مظاهرات قانون التظاهر اللي وافق عليه .. واللي كانت مع تفويض السيسي وتحصينه وجاية دلوقتي تقولك انا عضوة في لا للمحاكمات العسكرية والبجاحة انها كمان بتزايد وتشتم.
وأردف: وعادي ممكن نزايد زي مجموعات الامنجية والسرسجية ونقولهم ماتتكلموش عن الثورة يا أمنجية يابتوع التفويض والعسكر، بس احنا انضف منهم، خلينا فشغلنا .. و حتي لو فيهم ناس حمقي وبيحبوا الزيطة والنميمة والمزايدات والاشاعات زي الامنجية لكنهم مش أمنجية، فهم زي بعض ولا يشفع لهم غبائهم ووساختهم.
وتابع : قريب هانزل تدوينة عن الأمنجية المتثورجين وتابعيهم من الحمقي( بالأسامي) وخطة افتعال العنف والدم علشان الجيش ينزل اللي بدأت في2012 مشيرا إلي أن : الأمنجية المتثورجين بيزايدوا ويخونوا أي حد مش معاهم.. أعتقد أن الوقت قد حان لنشر تفاصيل وأسامي كتير .. يمكن الناس تفهم.
وأكمل : الأمنجية المتثورجين وتابعيهم من الحمقي المتثورجين اللي دفعوا ناس كتير لتأييد العسكر والداخلية عن طريق سلاح المزايدات الرخيصة والتخوين.