ماهر ردا على اتهامات عبد العظيم: نسيت إن "العسكر" قالوا عليك خاين

سخر أحمد ماهر مؤسس حركة "6 إبريل" بشدة من "تويتة" للناشط السياسي حازم عبد العظيم اتهمه فيها بدعم "الإخوان المسلمين".
وكان عبد العظيم قال عبر حسابه على تويتر :" أحمد ماهر يأخذ طريق الإخوان مع الدكتور محمد البرادعي ووائل غنيم".
وتابع عبد العظيم مخاطبا ماهر "عمك البرادعي وغنيم والمفروض إن فيه مبادئ متسقة، كنتوا منتهى الحدة ضد نظام مبارك وحمامة مع نظام أوسخ بكتير", في إشارة إلى الإخوان المسلمين.
وفي المقابل رد "ماهر" على اتهامات عبد العظيم، ساخرًا :" لا البرادعي وغنيم كانوا من أول المعارضين لسياسات مرسي، بس بأسباب واحترام مش بتشويه وتلاكيك، وخليك فاكر أن البرادعي كان هو منسق جبهة الإنقاذ وله دور كبير في الخروج ضد مرسي ولما دافع عن مبادئه شوهوه وأهانوه".
وأضاف ماهر "الإخوان بيخونوا وبيكسروا الاتفاقات وبيدوروا علي مصلحتهم، والعسكر نفس الكلام، الصراع كله كان علي المصالح، العسكر خانونا كتير.. وبعدين نفس الشرطة والعسكر دول هما اللي خربوا البلد وسرقوها واعتقلونا وعذبونا، مش هاصدق أبدا إن مصلحتهم بقت للبلد، الصراع كله علي مصالح".
واستطرد "المجلس العسكري كله بما فيهم السيسي كانوا بيشوهوا أي حد ينتقدهم، وأيام ما أنت كنت مع الثورة قالوا عليك خاين ورفضوا تعيينك وزيرا".