عفيفي للسيسي: ما الذي أخافك من بث محاكمة مرسي؟

شن العقيد عمر عفيفي - اللاجئ السياسي بأمريكا - هجوما حادا علي الفريق عبد الفتاح السيسي وزير الدفاع بسبب إمتناع الاخير عن إذاعة محاكمة الرئيس السابق مرسي .
وقال عفيفي في تدوينة علي فيس بوك: السيسي أهان واحتقر شعب مصر بالكامل لعدم اذاعتة محاكمة المعزول وهذا تضليل للرأي العام واحتقار وتضليل متعمد لارادة الشعب صاحب هذه البلد .. هوه شعب مصر ده ايه بالضبط ؟؟؟ مش هوه صاحب البلد ولا ضيف عليها ؟؟؟ مش هوه اللي المفروض يعرف الحقايق كامله ولا مش من حقه يعرف كل حاجه ؟؟؟
وأضاف: تعمد السيسي عدم إذاعة وبث محاكمة المعزول استهتار وإهانة واحتقار لهذا الشعب اللي من حقه يعرف كل الحقايق كامله وبالتفصيل ويعرف مين الخاين ومين اللصوص ومين اللي بيقتل وبيسرق ومين الظالم ومين المظلوم .. مش الشعب ده هوه المفروض اللي بيختار حكامه ؟؟؟ ..طيب حيخترهم ازاي وكل شي مخبينه عليه وزي ما يكون ضيف ع البلد دي.
وأردف: يا تري السيسي منع ليه بث محاكمة المعزول ؟؟؟ وعاوز يداري ايه علي الناس ؟؟؟ وخايف من ايه؟؟؟؟ الشعب المصري لابد ان يعرف كل الحقايق وبعدها هوه الوحيد اللي يقرر مصيره ويختار حكامه او يخلعهم .. عموما مفيش حاجه بتستخبي كثير ياسيسي انت ومرسي وسنكشف لكم كل الحقايق علي قد ما نقدر احتراما لشعب مصر لاننا مفيش علي رأسنا بطحه بنداريها ولا بنخاف الناس تعرفها ..وزي ما بيقول المثل علي عينك يا تاجر.