قيادي بجبهة الإنقاذ ممتدحًا معتصمي "رابعة": أشرف من رأيت في حياتي

امتدح الدكتور عمر حلمي وزير الصحة السابق، والقيادي بجبهة الإنقاذ الوطني، مؤيدي الرئيس المعزول محمد مرسي المعتصمين بميدان رابعة العدوية، واصفًا إياهم بأنهم "أشرف من رآهم في حياته"، قائلاً: "أربعون عاما أعيش في مصر ولم أقابل أشرف وأكتر ناس محترمه شفتها في حياتي مثل من رأيتهم في رابعة العدوية واللى راح رابعة يعرف أنا اقصدي إيه ومعنى كلامي".
وتابع ممتدحًا المعتصمين ب "رابعة"، قائلاً على صفحته على فيس بوك : "الناس دي مش طبيعية دول ناس عايشين مع ربنا"، وأوضح أنه لدى زيارته للميدان كان يجلس بصحبة أربعة من أصحابه "كنت عازمهم عشان يشوفو الميدان على حقيقته عشان هما ناس محترمه قالوا ينزلوا يشوفوا بنفسهم تخيلوا بعد الفطار قاعدين على الأرض وسط الشارع راح جاى راجل كبير جايب 5 كوبايات شاى وحطهم قدامنا".
وواصل: "هنا استغرب أصدقائي الموقف وبادروني بالقول قالولى انت مشهور هنا ولا إيه؟ قلت لهم والله ولا أعرفه ولا أحد يعرفنى هنا، وبعدها بنص ساعة جاء رجل معه عصير وصب لنا 5 أكواب فهنا انتزعت زمام المبادرة وقلت لمن احضرها أنت تعرفنى يا حاج فقال لى وأعرفك ليه أنت مش جاى هنا لله قلتله نعم، قال لى إحنا خدامين ربنا".
واستطرد: "تخيل فى ناس بالطريقة دى..تخيل أن مفيش حد بينام جعان هناك ولا عايل هم ظروف الحياة وتلاقى واحد ماشى كاتب أنا كهربائى وغيره ميكانيكى وغيره نجار".
وأردف حلمي قائلاً: "لدى وجود في ميدان رابعة وجدت كهربائى السيارات صلحلى عربيتى جيت احاسبه قاللى ربنا حاسبني خلاص من أول ما مشيت معاك .................. عرفت يعنى إيه مجتمع إسلامي هو دا المجتمع الإسلامي إللى الإسلاميين عايزين يطبقوه فى مصر".