غنيم: سعيد جدا بمؤتمر هشام قنديل وبصراحته

صرح وائل غنيم أن الاستهزاء بتصريحات د.هشام قنديل ليس من العقل في شيء وقال على صفحته بالفيس بوك :
طيب بعد ما شفت مؤتمر قنديل بالكامل قررت أغرّد خارج السرب (يعني أتويت عكس اللي بيتويتوا):
بالمناسبة كام واحد من اللي بيتريقوا على المؤتمر الصحفي بتاع هشام قنديل سمعوه؟ بعيدا عن موضوع القطن والأوضة الواحدة المؤتمر فيه معلومات مفيدة واتكلم بصراحة وشفافية لحجم الأزمة وسبب الكارثة اللي حصلت أول امبارح.
اتكلم عن خطة الحكومة في الفترة القادمة لتوفير المزيد من الطاقة وفي نفس الوقت عن أهمية الترشيد خاصة في المصانع والشوارع والمؤسسات العامة وعلى مستوى البيوت.
وبعيدا عن اللي بيقولوا شربت شاي بالياسمين أو أكلت مسقعة باللحمة المفرومة: أنا سعيد جدا بمستوى المؤتمر الصحفي وصراحته وسرده للأرقام بشكل حقيقي وطريقة عرضه للحلول. والأهم خطوات عملية عشان النور ميقطعش عن الناس ومحاسبة المسؤولين عن قطع النور في المناطق الحيوية اللي ممكن يتعرض الناس اللي فيها للخطر زي المستشفيات أو شبكات المترو أو غيرها