الغيطي مدافعًا عن شيرين رضا: أيوة المؤذنين صوتهم بشع

دافع الإعلامي محمد الغيطي - مقدم برنامج "صح النوم" - عن تصريحات الممثلة شيرين رضا التي هاجمت أصوات المؤذنين في مصر واصفة إياها بأنها "تكفر البني آدمين".
وعرض الغيطي في برنامجه المذاع على قناة LTC" صوت آذان ، وعلق قائلًا: "ربما هي لا تقصد صوت الآذان الموجود في الخليفة لأن صوته كويس لكن بالفعل فيه أصوات في زوايا ومساجد ما أنزل الله بها من سلطان واحنا عايشين في مصر وشوفنا دة .. وفيه فكرة تانية بقى إنك تلاقي الآذان في البلكونة أو في أوضة النوم فلو واحد تعبان عمره ما هيعرف ينام .. والآذان ميبدأش الفجر لكن تبدأ تواشيح من قبل الفجر بساعة أو ساعة ونص وتلاقي 6 مايكرفونات في متر ، ومايكرفونات في وش بعضها ".
وأضاف: "كدة أنت مش هتعرف تتدبر الآذان ولا تردده زي ما بيقول الحديث والسنة والأسوأ بقى إن ممكن يكون أصوات بشعة بشاعة السنين فتبقى منفرة ليك ، سيدنا النبي كان بيقول لبلال "أرحنا بها يا بلال" فيبقى صوت بلال رقراق زي جدول الماء ينزل ينساب إليك يريح نفسك لكن اللي بيحصل في المايكرفونات بيعكر النفس".
الفيديو: