تعليق ناري ل"أديب" على تسريبات أحمد موسى

شن الإعلامي عمرو أديب، هجوما ناريا على الإعلامي أحمد موسى، والتسجيل الذي أرجعه لضابط يروي تفاصيل ما حدث في منطقة الواحات الإرهابية، قائلًا: "إزاي نذيع حاجات مفبركة زي دي، والقانون بينظم الحاجات دي، يعني إحنا نقعد يوم كامل ساكتين، وفي الآخر نذيع تسجيل نقول ده للشهداء".
وأوضح "أديب" أن الغرض من العمليات الإرهابية هو جعل نفسية المصريين في الأرض، معقبا: "وده حصل، إحنا أهانا نفسنا وشهداء الواحات بشكل قذر.. ودمنا راح هدر".
وقال "أديب"، خلال برنامجه "كل يوم" عبر فضائية "ON E"، مساء السبت: "ليه منزلش فيديو والضباط بيتحايلوا على الإرهابيين عشان ميموتهمش.. كملوا كسروا البلد أقسم بالله اتعرض عليا 5 فيديوهات وداعش بتموت من يتعاون مع الأمن، بيقسموهم اتنين ومردتش أعرضهم".
وأشار "أديب" إلى أن هناك من وشى عن مأمورية الواحات، متلفظًا بلفظ خارج: "في ملعوب حصل، ولازم نجيب.. اللي عمل الملعوب ده".
شاهد الفيديو: