ننشر كافة "القفشات" التي قيلت عن خروج "الزمالك"

خرج نادي الزمالك أمس من دوري أبطال أفريقيا ، وذلك بعد تعادله بهدفين مقابل مثلهما على أرضه ووسط جماهيره في اللقاء الذي جمعه بأهلي طرابلس الليبي .
وسخر نشطاء من خروج الزمالك بهذا الشكل ، وما ضاعف حدة السخرية هو الهدف الغريب الذي سكن مرمى أحمد الشناوي حارس الزمالك من منتصف الملعب تقريبًا .
وفيما يلي بعض القفشات والكوميكات التي قيلت عن خسارة الزمالك:
- قعدتو تتريقوا على الشناوى وتقولوا بيدخل الشبكه اهو زعل وخرج راح يلعب فى نص الملعب
- بيقولك بقي الشناوي خرج يستقبل المهاجم بنفسة مش كل مرة يقعد مستني في الجون
- طيب الدوري وبتخسروه عشان التحكيم الاهلاوي طب حصاله افريقيا سببها ايه
- خلينا نتكلم علي الايجابية ... الزمالك خرج من بطولة مركز ثالث برضه بدل مركز رابع .. تقولش بينه وبين الثالث قصه عشق
- بطلو عك وتريقه ع الزمالك دا برضو فريق مصري معلش يا زمالك تتعوض السنه الجيه
ايه دا نسيت معلش انت مش هتلعب افريقيا السنه الجيه
- الشناوي رايح يجيب الكوره من ع حدود ليبيا
- الزمالك وهو قادم قابل طلعت حرب وهو راجع
- جمهور الزمالك السنه اللي فاتت قالو السادسه يا زمالك خسرو من صن داونز 6 و السنه دي قالوها تاني في خرجوا من البطوله ب 6 نقط
- الزمالك هيلاعب القطن على جائزة أفشل فريق في البطولة
- يا جدعان مين اللي دايس "مثلث" .. الشناوي طلع على طريق مصر - إسكندرية الصحراوي ومش لاقيينه