قاطنو ماسبيرو للنظام: "راعى ربنا فينا إحنا فى خراب"

"عشرين عاملاً هيترموا في الشارع هما وعيالهم، علي آخر العمر ده اتحبس، راعي ربنا فينا ياريس" هذه الكلمات قالها الحاج (جمال عبد الناصر عيد_60عامًا) صاحب مطعم مشويات في منطقة ماسبيرو في حالة شديدة جدًا من الغضب بسبب دخول هذه المنطقة ضمن مشروع تطوير العشوائيات الذي أطلقته الدولة منذ سنوات وأعادت الحكومة طرحة موخرًا، ولكن هذه المرة عزمت على التنفيذ وبدء المفاوضات بين الحكومة والأهالي .
يتحدث "عيد "ل"المصريون " قائلاً: "أنا من ضمن الأهالي الذي وقع عليهم الضرر
لأنني امتلك مطعم كباب في هذا المثلث (ماسبيرو) تورثته من أبي وجديي، يعمل بيه 20 عاملاً ، وتابع لو المحل اتهد الناس دول هيترموا في الشارع هما وأولادهم وأنا حالي هيقف ومش هقدر أعيش ولا اصرف علي أولادي".
متابعا: "المسئولون بتقولوا أنهم هيبنوا أماكن بعد 3 سنين طب نعيش فين وازاي المدة دي كلها أحنا في وقف الحال ده من 6 سنين من يوم جمعة الغضب بسبب الإصلاحات اللي بتحصل في المنطقة" .
مضيفًا: "عليّ فوس تأمينات وضرائب وترخيص هادفعهم منين لو المحل أتقفل يرضي مين بعد العمر ده كله اتحبس حرام والله اللي بيحصل فينا ده"، مطالبًا رئيس الجمهورية باعطائهم التعويضات المناسبة ومساندة الأهالي ومراعاتهم قائلاً: "عوضنا ياريس عن الخراب اللي أحنا فيه، وراعي ربنا فينا ".