وجه الدكتور خالد رفعت الخبير السياسي والأستاذ بجامعة قناة السويس، رسالة إلي العميد محمد سمير المتحدث العسكري السابق، على خلفية مقال الأخير الذي حمل عنوان "الرعاع"، مطالبًا إياه بالانشغال بحياته الزوجية الجديدة وترك من أسماهم الرعاع في حالهم. وقال صالح فى تدوينة له علي موقع التواصل الاجتماعي "فيسبوك": "مع أنك كنت متحدثًا رسميًا للقوات المسلحة يعنى المفروض فاهم مجتمع السوشيال ميديا بس للأسف واضح أنك محتاج النصيحة دى، فى عالم السوشيال ميديا فى حاجة اسمها "الهري"، وده بيبقى الموضوع اللى الكل بيتكلم فيه لساعات محدودة لا تزيد أبدًا عن 24 ساعة ويطلعوا موضوع جديد، وبما انك عملت فيها شخصية عامة ونشرت صور الفوتو سيشن بتاعك على البابليك للكل وبعتها بنفسك لكل المواقع الإخبارية ومنها صور مثيرة نوعًا ما.. طبعًا حصل لك أكتر من اللى حصل لعمرو يوسف وتيم حسن لما نشروا صورهم، بس هما فاهمين اللعبة كويس، فسكتوا خالص والكل سكت بعدها وانتهت القصة". وتابع رفعت: "لكن بمقالك بتاع الرعاع استفزيت شعب السوشيال ميديا بإهانتك لهم فأصبحت هدفا لهم للانتقام، وزادت الأمور سوءًا أحساسهم أنك بتتنطط عليهم، لا تكلمنى عن اختراق حياتك الخاصة لأنك أنت بنفسك اللى كنت عمال تنشر صورك فى كل المواقع وبتستفز ملايين الشباب اللى مش لاقى يخطب وشايفينك كل سنة عمال تتجوز واحدة مشهورة وبتتمنظر بمظاهر بذخ مستفزة وبتعمل أفراح نجوم سينما". واختتم حديثه قائلاً: "ببساطة لا ترد وبطل تستفزهم أو أقولك الأحسن ركز مع العروسة الجديدة وأقفل الفيس، وألف ألف مبروك ويا رب تاخد بالك من الموضوع ده المرة الجاية فى مايو القادم!". وكان قد أثار مقال المتحدث العسكري السابق العميد محمد سمير، والذي تم نشره تحت عنوان "الرعاع" حالة من الغضب عبر مواقع التواصل الاجتماعي في الساعات الأخيرة، تزامنًا مع عقد قرانه علي الإعلامية إيمان أبوطالب.
