بالفيديو..السيسي يتهم الزراعة والري بتعطيل «المليون ونصف فدان»

كشف الرئيس عبد الفتاح السيسي، عن آخر تطورات مشروع المليون ونص فدان، متهمًا وزارتي الزراعة والري بالتسبب في ذلك، موضحا منذ عام ونصف الوزارتين تحدد الأراضي والمياه ثم تتراجع عنها.
تابع السيسي منفعلا خلال حضوره المؤتمر الوطني الثالث والمنعقد بالإسماعيلية:" مش ديه أجهزة الدولة أنا مش بشتكيها ليكم أنا بكلمكوا على حالنا، واحدا يقولنا طب شيل، شيل ايه!! هو كل راجل هيجي يشتغل معانا 6 أشهر وامشيه! فين المصداقية بتاعتي لما كل اللي يجي يشتغل معانا امشيه.. الموضوع كبير أوى وعلشان كده بنعمل القعدة ديه كل شهر علشان محدش كان في الإعلام هيقدر يوصل الرسالة ديه بالأمانة ديه والتجرد ده والشرف ده والصدق ده.
وأشار الرئيس، إلى أنه حذر كثيرًا خلال حملته الانتخابية من التحديات الموجودة حاليًا، متابعًا:«هاتوا كلامي كله اللي قلته في الحملة واسمعوه تاني وإن لاقيتوا تغيير عن اللي بقوله دلوقتي يبقالكم الكلام"» مضيفًا: "القعدة دي بكررها كل شهر عشان أكدلكم إن التحدي مازال قائم".
وواصل، "كنتوا بقولكوا من أربع سنين ان الموازنة كلها عبارة عن 3 أرباع، ربع سلف ربع خدمة دين وربع دعم، موضحا:" مش كنت بقولكوا كده يتبقى ايه ليكو علشان اعملك حاجة تليق بك يا مصري كمواطن كانسان بتتعلم كإنسان بتتعالج محصلش".
وأكد: "قسمًا بالله الجيش بيقوم بدور تنموي موازي للدولة، يا نهار أبيض أنا شغلت الجيش عندكم، ومشغله تحت رجليكم عشان متقعش مصر".