القصة الكاملة للاتهامات المتبادلة بين شقيقة "إيمان" والطبيب المعالج

حصلت "المصريون على الصور والرسائل والمخاطبات التى توضح عملية النصب الهندى على فتاة الإسكندرية البدينة "إيمان عبد العاطى" .
وكشفت شقيقتها شيماء عبد العاطى أنهم تعرضوا لعملية نصب وخداع كبيرة على حساب صحة شقيقتها وأنه بعدما وعدهم الطبيب الهندى المعالج ، أنه لن يتركها إلا وهي تسير على قدميها، يجاءت تصريحاته مؤخرا إنه من المستحيل أن تقف على قدميها.
وأضافت أنه لم يبدأ العلاج المكثف إلا من 4 أيام فقط، وحكم عليها أن تظل هكذا طول عمرها بعد مرور عام من العلاج ، لافتة إلي أن شقيقتها منذ وصولها إلي الهند ظلت 10 أيام فقط حالتها جيدة، بعدها تدخل في غيبوبة تستمر لمدة أسبوع متواصل.
وتابعت في حديثها : أنا أخت إيمان أحمد عبد العاطى البنت اللى بتتعالج فى الهند من السمنة المفرطة ، وقررت أن لا أكون شيطان أخرس وماقولش الحقيقة وكل حاجة حصلت من يوم ماعرفنا الدكتورMuffazal lakdawala ملاك الرحمة اللى خدعنا كلنا وضحك عليّ وعلى عائلتى.
وأوضحت أنه في أول زيارة ل " إيمان" يوم 12/1/2017 ، وعدنا إنه عمره ماحيسيب إيمان غير وهى ماشية على رجليها، ووالدتى وأهلى وأصدقائى شاهدين على كلامه ، ودلوقتى بيقول فى كل الإعلام والصحافة إنها مستحيل تمشى على رجليها وأنت مابداتش تعمل علاج مكثف إلا من 4 أيام ليه حكمت عليها تفضل كده طول عمرها الكلام ده يتقال بعد سنه علاج طبيعى مكثف خاصة أنها بتحرك اطرافها.
وتساءلت في ردها علي تصريحات الطبيب المعالج : أنت عارف من أول يوم إن عندها جلطة فى المخ إزاى تجيبنى من بلدى لحد مومباى وأنت عارف احتمال حدوث جلطه تانية أو أى مشكلة نتيجة النقل.
واشارت إلي أن شقيقتها إيمان من أول ما جات قعدت 10 أيام بس كويسة وبعدها بتدخل فى غيبوبة بالأسبوع،فى كهرباء بتحصل فى المخ او نشاط هما مش عارفين اسبابه إلى الآن ، مافيش جهاز رنين مفتوح فى "مومباى" ، وبعد مافاقت ب 5 ايام تقريبا قرر يعملها العملية ضغط كله فى وقت قصير أوى عشان يتقال إنه عمل إنجاز مش مهم بعدها يحصلها ايه.
وأضافت أنني تواصلت مع دكتور مصرى هنا فى الهند مخ وأعصاب وطلبت منه ييجى يشوف إيمان وبالفعل جه وانتظر 3 ساعات لمحاولة إنه يدخل يشوفها جابولنا ورقه نمضى عليها إننا مانتكلمش مع إعلام أو صحافة ولو ده حصل هنرميلك أختك فى الشارع اقسم بالله هذا حصل والدكتور المصرى كلم دكتور المخ والأعصاب الهندى وقاله فى الوقت ده ان ايمان حالتها اتدهورت والنشاط ده انتقل من النصف الشمال للنصف اليمين ووعيها بيقل.
كما اشارت إلي المعاملة السيئة، وإنهم بيحسسونا طول الوقت إننا ناس فقراء وجايين نشحت العلاج فى بلدهم مفيش إنسانية مفيش رحمة انا اتخدعت فيه انا بقول الكلام ده وانا وايمان هنا فى المستشفى عندهم مش عارفه ايه ممكن يحصل ولا رد فعلهم حيكون ايه بس عارفه ان ربنا مع ايمان ومعايا وبينصر الحق دايما.
وأكدت شقيقة إيمان أنه يوجد اطباء كتير محترمين وكلمونى فى مساعدة ايمان قبل السفر بس كانت المشكله فى المستشفى مش فى كفاءة الاطباء.
كما طالبت إنه مفيش حد يزايد علي ويقول انتى اللى رفضتى تعالجى اختك فى مصر انا فضلت لحد اخر وقت منتظره الدوله تعمل حاجه محدش ساعدنا .
يأتى هذا فى الوقت الذى تقدم فيه النائب البرلمانى، حسن عمر حسانين، بطلب إحاطة لرئيس البرلمان، لسؤال وزيرى الخارجية والصحة، حول الحالة الصحية للمواطنة إيمان عبد العاطى، والملقبة بأسمن إمرأة فى العالم، والتى تتواجد حاليًا بإحدى مستشفيات الهند لتلقى العلاج.
وتضمن طلب الإحاطة الدكتور علي عبد العال، رئيس مجلس النواب، أتقدم لسيادتكم بطلب إحاطة موجة للسيد وزير الخارجية المصري، سامح شكرى، والسيد وزير الصحة والسكان، أحمد عماد ، عن حالة المواطنة إيمان عبدالعاطي الملقبة بأسمن فتاة بالعالم وما تتعرض له داخل إحدى المستشفيات فى دولة الهند، هى وشقيقتها من تدهور فى حالتها الصحية ، وعملية النصب التي تعرضت لها من قبل الدكتور المعالج لها .
من جانبه قام الطبيب الهندي المعالج ل" إيمالن" بالرد علي ادعاءات شقيقتها ، والتي قامت بنشر الاتهامات ضد الطبيب مع الإعلامي " وائل الإبراشي" .
وأضاف "لاكدولا"، في تغريدة على صفحته الشخصية: "شيماء سليم لقد قتلت الإنسانية بضربة واحدة، ليعينك الله عندما تدركين ما فعلتيه. سأواصل العلاج والدعاء لإيمان".