مواطن للسيسي: "نتقشف إزاي و جايبين عربيات ب18 مليون"

وجه أحد الموطنين -الذي رفض ذكر اسمه- كلمه للرئيس عبد الفتاح السيسي قائلاً: "يا ريس قبل ما تقول استحملوني 6 شهور إحنا استحملنا التقشف وغلاء الأسعار وتعويم الجنيه والفقر اللي أنت حطتنا فيه، متابعًا مكناش متوقعين إننا نوصل للحالة دي لما عملنا ثورة 30 يونيو كنا متخيلين البلد هتنهض وهتكون أحسن بس للأسف إحنا بيقينا أسواء ومفيش أي نهضة حصلت للبلد".
وأضاف: "يا ريس أنت طلبت مننا إيه وإحنا معملنهوش، متابعًا: أنتو عاوزينا نعيش حالة تقشف طب يا ريت أنتو والحكومة تشركونا حالة التقشف دى".
وتابع: أزاي يا ريس بتقول إننا فقراء أوي ومجلس النواب جاب عربيات ب18 مليون جنيه مش ده إهدار للمال العام بردو ولا أية".
علق مواطن آخر قائلاً: "أنا مش حاسس أن فيه مجلس نواب من أول ما اتعمل لأن لم ينفع الشعب بشىء فين مشاكل المجتمع اللي بنعاني منها ليه مش بناقش المشاكل دي وتابع كل واحد في المجلس بيدور على مصلحته الشخصية فقط وناسي الشعب خالص وكل القرارات اللي بيناقشها المجلس ملهاش لازمة ولا بتفيدنا بشىء"، متابعا الحل الوحيد لحل كل المشاكل اللي بتوجهنا إن الشعب يتكلم لأن الحاكم واحد من الشعب ولازم يعمل اللي الشعب عاوزه".