شاهد تعليق زينة على براءة أحمد عز

علقت الفنانة زينة على براءة أحمد عز في قضية السب والقذف التي رفعتها ضدها.
وقالت زينة في تغريدة لها عبر موقع التواصل الاجتماعي "إنستجرام": "معلش بقى أنا ماكنتش ناوية أعلق بس بصراحة كدبك اللي مالوش نهاية بيستفزني جدًا. أولاً مبروك براءتك من قضية السب والقذف في حقي، ولو إن مبروك من تهمة دي مش حاجة تشرف أوي يعني أنت ما اخدتش جائزة نوبل!! وكده كده ماكنتش هاسيبك تتسجن علشان ولادك مايبقاش أبوهم رد سجون".
وتابعت: "ارجع بقي من لندن اللي انت مستخبي فيها يا (..) ماتخافش مش دي صورتك هناك، أما بقى لو جبت سيرة ولادك وقضية النسب دي تاني هايكون ليا تصرف تاني معاك وبالقانون لأن القضية دي اتقفلت لآخر يوم في عمرك بطل كدب، وبطل تضحك على الناس لأن الناس مش هبلة وخلاص اتلهي في شغلك ومعجباتك اللي تعرفهم معرفة شخصية من قلتهم".
وأضافت زينة: "لو كان تم الحكم عليك كنت هاحس إن ربنا بيحبك وبيكفر عنك في الدنيا.. لكن الحمد لله حتي يبلغ الحمد منتهاه حسابك عند رب العالمين شايلهولك كله في الآخرة ومافيش أعظم من حساب ربنا.. وابقى روح لربنا قوله أقسم بالله.. يارب اشوفك وانت بتتحاسب يارب".
وكانت محكمة جنح مدينة نصر، قضت أمس، بقبول الاستئناف المقدم من الفنان أحمد عز على حكم حبسه 3 سنوات، في قضية اتهامه بسب وقذف الفنانة زينة.