استنكر الإعلامي عمرو أديب، قرار المحكمة بإدراج اسم لاعب الأهلي ومنتخب مصر السابق محمد أبو تريكة في قوائم الإرهاب. وأضاف "أديب"، خلال برنامجه "كل يوم" على فضائية "ON E" مساء اليوم، أنه مندهش من إدراج أسماء تعيش بيننا ضمن الكيانات الإرهابية مثل أبو تريكة ورجل الأعمال صفوان ثابت، مطالبًا بالكشف عن حيثيات ذلك القرار، قائلًا: "عايزين المحكمة تعرفنا الأسباب اللي خليتهم ياخدوا القرار ده". وتابع: "أبو تريكة مش صاحبي ولا حاجة.. فيه ناس بتقول إخوانجي وناس تقول لا.. هو الراجل عمره ما قال آه أو لا ... سيبكم هو بيعمل إيه بس فيه محكمتين طلعوا فلوسه حلال.. لكن محكمة الجنايات المبجلة طلعت اسمه ضمن الكيانات الإرهابية.. هل ده معقول؟ أنا عايز أعرف الأسباب.. أبو تريكة عمل إيه لأني كدا ممكن أي واحد فينا يدخل القائمة دي.. البلد بدأت تمشي لكن فيه حاجات بتحصل مش بنفهمها".