صباحي عن "تمرد": "مش همشى ورا شغل عيال"

على مسئولية "نبوي"..

انتقد المتحدث الإعلامي باسم حركة تمرد محمد نبوي كلاً من المرشح الرئاسي السابق حمدين صباحي, والدكتور محمد البرادعي رئيس حزب الدستور, قائلاً إنهما كانا يخدمان مصالح جماعة الإخوان داخل جبهة الإنقاذ.
وتابع نبوى قائلاً إن "الناس دى هى كده خُلقت لتختلف" و"الناس دى خُلقت عشان متكملش مشوار", مضيفًا: أنا شخصيا عندى أزمة فى شخص الدكتور البرادعى وأنه "سياسى فاشل" على حد قوله, وأنه "فى أول مطب ساب البلد وهرب وساب البلد تغرق" وباع المصريين كلهم وجرى راح يناضل على تويتر بره اللى عايز يناضل يبقى راجل ويوقف على أرض البلد دى ويناضل على أرضها.

وأضاف المتحدث باسم تمرد خلال برنامج كل يوم رمضان والمذاع على فضائية TEN أنه عندما تم عرض استمارة تمرد على البرادعى وصباحى للتوقيع عليها, ألقى صباحى الإستمارة قائلاً: "عشان لما تتحبسوا نبقى نناضل وراكم", وتابع صباحي: "أنا مابمشيش ورا شغل عيال", وعند عرض الاستمارة على البرادعى قال: "إحنا هنتبنى حملة تمرد" وعلق نبوى مستنكرًا: "أنا عايز أقوله أنت فاشل هتتبنى مين؟!" موجهًا كلامه للدكتور البرادعى.