ليله الزمن اتقلت بركته.. علشان إحنا مش كويسين.. ليه الراجل نزلت كرامته.. علشان جيوبه مفلسين.. ليه الجنيه أصبح رخيص.. علشان حكومة ناقصها خبرة.. ليه فيه فجوة بين البوليس.. علشان معاملة الشعب مرة.. ليله الرشاوى زاد حدها.. مابقتش رشوة دى إكرامية!.. ومين اللى غير من اسمها.. إخوانا المشايخ والفتوجيه.. ليه إحنا دايماً متأخرين.. عن كل خلق رب العباد.. علشان إحنا مسلمين.. بس فى شهادة الميلاد.. ليه النهارده مافيش جواز.. عشان شبابنا نصه عاطل.. وبيوتنا صبحت من قزاز.. علشان زواجنا عرفى فاشل.. الله يرحم أيام زمان.. أيام ما كان القلب أبيض.. لما كنا نشوف الجيران.. عيب عندهم نسكت نغمض.. دلوقتى ليه بنشوف فضايح.. فى الأهل أكتر م الجيران؟.. واللى جاى يقول للى رايح.. تعالى اجرى خدلك مكان! السيد أحمد على- فيكتوريا