يجيب العواقب سليمة

لسه كابس فوق رقبته
مانع النفس اللى داخل
بس متحرم يفكّه..
والعمل لسه فى دوامة
صاحبه مش عاتقه بكلامه
كل ثانية يقول له نكتة..
من حلاوتها يسخسخ
بس بيضايقه أما يضحك..
الزرار الأولانى
قال له نكته فى السياسة..
وهو يضحك
قال له نكته ع الحكومة
والرئاسة
وانتخاباتنا اللى جايه
تنو يضحك ربع ساعة
والزرار الأولانى بإيده فكه
دارى قلقه
وإن ضحكه كمصرى أزيد م المقرر
قال لنفسه
«اللهم اجعله خير»