«مفاجأة».. توروب يكشف موقف إمام عاشور من مباراة الزمالك

كشف ييس توروب مدرب فريق كرة القدم الأول بالنادي الأهلي، موقف إمام عاشور لاعب الفريق من مباراة نهائي السوبر المصري، ضد الزمالك.
وتتجدد مواجهات الأهلي والزمالك على ملعب «محمد بن زايد»، ضمن نهائيات السوبر المصري للأندية الأبطال 2025، حيث يحتضن الملعب نهائي النسخة الجارية.
ويشارك في السوبر المصري للأندية الأبطال: الأهلي (بطل الدوري)، الزمالك (بطل كأس مصر)، سيراميكا كليوباترا (بطل كأس الرابطة) وبيراميدز (صاحب البطاقة الذهبية).
وقال توروب في تصريحات بالمؤتمر الصحفي الخاص باللقاء: «خدنا خطوة مهمة جدا اليومين اللي فاتوا بعد الفوز على سيراميكا والتأهل للنهائي. عارف كويس أوي ومقدر معنى المواجهة دي بالنسبة للأهلي وجماهيره وإحنا مش موجودين لمجرد المشاركة في النهائي موجودين عشان نفوز بالكأس».
وعن آخر تطورات حالة لاعبي الفريق، أوضح: «عندنا لاعيبة تانية في طريقها للعودة للمباريات زي شريف وإمام عاشور. إمام قعد أربعين يوم بعيد عن المشاركة لكن إحنا متابعين حالته وعارفين إنه مستعد وبيتمرن كويس وممكن يكون مفاجأة المباراة وشريف جاهز بنسبة كاملة».
وتابع: «مستنين بفارغ الصبر وجودنا بكره وسط الجماهير ومستنيين مساندتهم بحرارة لتحقيق الفوز. خدنا يومين كويسين في التمرين وعملنا استشفاء وعندنا فريق جاهز للمواجهة بكل قوة».
وأشار: «بنستغل كل دقيقة وكل جزء بنلعبه إننا نعمل تقييم وتدوير للأداء ونشتغل على دا، ومفيش فريق بيلعب من غير أخطاء وافتكر إننا بنتعلم من أخطائنا وبنستفيد منها».
وزاد: «عندنا تمرين النهاردة على الاستاد وبعده هقرر التشكيل اللي هيلعب المباراة. شغالين بشكل كويس والمباريات اللي عدت غير كافية أن اللاعبين يفهموا طريقتي بشكل نهائي وبنستغل كل دقيقة عشان نشغل اللاعبين ونقولهم إزاي يطبقوا الطريقة».
وأردف: «بقول للاعبين كل واحد دوره إيه وأنا منتظر منه إيه، وبالنسبة لتغيير الجهاز الفني في الفريق المنافس عملنا خطتنا لأفضل طريقة ممكنة تساعدنا على تحقيق الفوز بس أكيد مش هقدر أقولكم عليها».
وشدد على: «زي ما قولت الماتش اللي فات جراديشار لعب ماتش كويس جدا وسجل جول مهم جدا، ردا مهم للمهاجم وبيديله ثقة كبيرة جدا بس غيرناه عشان هو مش مصاب لكن كان خوف من المجهود والشد العضلي».