«هي أرض النادي فجأة بقت على النيل».. عمرو أديب يطالب بإنقاذ الزمالك قبل إشهار إفلاسه

طالب الإعلامي عمرو أديب المسؤولين بحسم ملف أرض نادي الزمالك في مدينة السادس من أكتوبر سواء بإعادة الأرض أو بالإعلان صراحة عن عدم إعادتها.
وقال أديب، خلال برنامجه «الحكاية» عبر شاشة «mbc مصر»، مساء الجمعة: «ممكن السادة المسؤولين في مصر يردوا علينا ويقولوا لنا لأ، يقولوا مش هيرجعوا الأرض، إحنا قاعدين مستنيين إيه!».
وأضاف: «الأزمة المالية اللي فيها الزمالك تحلها الأرض، الأهلي من 3 سنوات كان بيفلس محلهاش غير الأراضي اللي خدها والاشتراكات والاستثمارات اللي عملها في الأراضي، انتوا عايزين تغرقوا الزمالك غرقوه!».
وتابع «قولي لأ، مش هنديكم الأرض، قولي أي حاجة، إنما متسبنيش مش فاهم حاجة، وكل ما تسأل د يقولك آه آه، آه إيه؟! هو في إيه أنا عايز حد مسؤول يتخذ قرار في الأمر».
وأكمل أديب: «هي البلد ناقصها أرض، هي أرض الزمالك فجأة بقت على النيل، الناس في حالة صعبة، وده اللي هيدر على النادي فلوس، زي ما حصل في الأهلي، الأهلي أخذ 3 أراضي، لحد ما بقى عايز يشتري محمد صلاح».
واستطرد: «قولي لأ، قولي مفيش، قولي مش عايزين النادي ده يوقف على رجله، صعبة دي، إنما كل شوية الأرض جاية، في المسؤولين؟! ولا النادي بكره يشهر إفلاسه».
عمرو اديب: ممكن المسؤولين عن الرياضة يردوا.. قولولنا لو مش هترجعوا أرض الزمالك في 6 اكتوبر قولولنا لأ.. النادي بيفلس
مجاناً على شاهد
برنامج #الحكاية يعرض من الجمعة - الأثنين الساعة 10 مساء بتوقيت القاهرة على #MBCMASR
لمتابعة البث المباشر https://t.co/uwHwlsCISw pic.twitter.com/yWofBFZuzv
— الحكاية (@Elhekayashow) October 24, 2025