شوبير يكشف تفاصيل رسالة إبراهيم سعيد ل شيكابالا بعد هجومه عليه

كشف الإعلامي أحمد شوبير حارس مرمى الأهلي السابق، عن تفاصيل رسالة من إبراهيم سعيد لاعب الأهلي ومنتخب مصر السابق، إلى نجم الزمالك المعتزل مؤخرًا محمود عبدالرازق شيكابالا.
وقال أحمد شوبير في تصريحات إذاعية اليوم الخميس: «الحقيقة كنت عايز أتكلم على كابتن إبراهيم سعيد عشان أنا قابلته إمبارح وكان ممتن جدا للنجم شيكابالا، لإنه ساند الفترة اللي فاتت إبراهيم سعيد في محنته رغم الهجوم المستمر من جانب إبراهيم سعيد في الفترة الماضية من خلال برنامجه التليفزيوني على شيكابالا».
وأضاف شوبير: «إبراهيم سعيد كان مبسوط برسالة شيكابالا له وكلمني عن شيكابالا بحب شديد جدا، وأنا قلت له روح بيتك النادي الأهلي وراح بالفعل والناس استقبلته كويس جدا، وربنا يكرمه الفترة اللي جاية، ودورنا هنا المساعدة أنا أكثر واحد انتقدت إبراهيم سعيد لكن بشكل عام متسامح مع الجميع، وهو من اخواتنا الصغيرين ولازم نطبطب عليهم ونحتضنهم أنا محبشقطع الرقبة ده في أي خطأ».
وكان إبراهيم سعيد قد خرج من السجن هذا الأسبوع بعد نحو 3 أشهر على خلفية قضاء حكم قضائي حصلت عليه بناته ضده.
وقام شيكابالا بنشر رسالة تضامن مع إبراهيم سعيد بعد خروجه من الحبس عبر حسابه الرسمي على موقع (فيسبوك)، حيث كتب: «الكابتن إبراهيم سعيد من أبرز مدافعي جيله وتاريخه مع الكرة المصرية ما يقدرش حد ينكره، النهاردة وهو بيمر بأزمة، مش مقبول نشوف شماتة أو استغلال للموقف للهجوم عليه، الأصول بتقول نقف جنب اللي محتاج مساندة نفسية، مش نرمي عليه حجارة، كلنا ممكن نغلط، وكلنا ممكن نعدي بلحظات ضعف، وبدعيله من قلبي إن ربنا يفك كربه، ويطلع من الازمه أقوى من الأول».